Vatandoshlar bilan ma’rifiy suhbatlar bo‘lib o‘tdi
Janubiy Koreyada xizmat safarida bo‘lib turgan O‘zbekiston musulmonlari idorasi raisi o‘rinbosari Zayniddin domla Eshonqulov 25 sentyabr kuni Mokpo shahridagi "Imom al-Buxoriy" masjidiga tashrif buyurdi.
Ma’rifiy suhbat davomida Imom Buxoriy hayot va ijodi, u zotning hadislaridan namunalar, ibratli voqealardan misollar keltirildi. Shuningdek, yot g‘oyalar ta’siriga berilmaslik, soxta salafiylik kabi oqimlaridan uzoqda bo‘lish, mazhabga amal qilish, har qanday diniy savollarga O‘zbekiston musulmonlari idorasi tomonidan javob olish tavsiya etildi. Buning uchun xorijdagi hamyurtlarimizning savollariga javob beruvchi @fatvo_call_1 (Telegram orqali), @fatvo_call_2 (Telegram orqali) hamda +998917806633 (WhatsApp orqali) havolalari tashkil etilgani aytib o‘tildi.
Suhbat davomida vatandoshlar o‘zlarini qiziqtirgan savollarga javoblar olishdi. Namozdan so‘ng ona vatandan, yaqinlaridan uzoqda yurgan hamyurtlarimizning o‘qish va ishlarida Yaratgan madadkor bo‘lishini tilab duolar qilindi. So‘ng O‘zbekiston musulmonlari idorasi tomonidan chop etilgan 5 turdagi diniy-ma’rifiy bukletlar tarqatildi.
O‘zbekiston musulmonlari idorasi
Matbuot xizmati
Kosonlik imom-xatiblar "Xoja Buxoriy" bilim yurtida bo‘ldi
Qashqadaryo viloyati Koson tumani imom-xatiblari "Xoja Buxoriy" o‘rta maxsus islom ta’lim muassasasida bo‘lishdi.
Tanishuv davomida mehmonlar ta’lim muassasasi faoliyati, talabalar uchun yaratilgan shart-sharoitlar va o‘quv jarayonlarini ko‘zdan kechirdilar.
Shuningdek, imom-xatiblar tomonidan bilim yurtiga 2 dona sovutkich sovg‘a qilindi. "Xoja Buxoriy" ta’lim muassasasi jamoasi ko‘rsatilgan e’tibor va saxovat uchun samimiy minnatdorlik bildirdi.
O‘zbekiston musulmonlari idorasi
Matbuot xizmati
