Faxriy ustozlar ziyorat qilindi
O‘qituvchi va murabbiylar kuni munosabati bilan O‘zbekiston musulmonlari idorasi raisi o‘rinbosari Zayniddin domla Eshonqulov boshchiligida bir guruh xodimlar tizimda uzoq yillar davomida ishlagan faxriy ustozlar va ilm-ma’rifat yo‘liga umrini bag‘ishlagan ahli ilmlarni yo‘qlab borishdi.
Jumladan, shayx Abdulaziz Mansur hazratlari, Rahmatulloh qori Obidov, Jaloliddin hoji Nuriddinov, Ahmadjon domla Bobomurodzoda, Abdulhakim qori Matqulov kabi fazilatli ustozlar diydoriga musharraf bo‘lindi.
Tashriflar davomida ustozlarning foydali suhbat va nasihatlari tinglandi. Ustozlarning jamiyat hayotidagi o‘rni, yoshlar tarbiyasi va ma’naviy-ma’rifiy soha rivojiga qo‘shgan hissalari e’tirof etildi. Ularga esdalik hadyalar taqdim etildi.
Faxriy ustozlar bunday e’tibor va ehtiromdan mamnun bo‘lganlarini bildirib, yurtimiz, yurtboshimiz, muftiy hazratlari va boshqalar haqlariga duolar qilishdi.
O‘zbekiston musulmonlari idorasi
Matbuot xizmati
ISLOHOTLAR BAHOSI odamlar hayotidan yo‘qotilgan mashaqqatlar bilan o‘lchanadi
Prezidentimiz 2021 yilda "Bugungi O‘zbekiston – bu hali tom ma’nodagi, biz orzu qilayotgan, intilayotgan yangi O‘zbekiston emas" degan edi. Bu iqror islohotni tayyor g‘alaba sifatida ko‘rsatishdan ko‘ra mas’uliyatliroq. Chunki mavjud kamchilikni tan olmagan davlat uni tuzatish uchun ham chora izlamaydi.
Bu gal biz nazarda tutayotgan "yo‘l" so‘zi shunchaki metafora emas. Gap mamlakatning qishloq yo‘llaridan tortib, xalqaro avtomagistraligacha, temir yo‘llaridan metrogacha, havo qo‘nalg‘asidan tranzit yo‘lagigacha bo‘lgan harakat tizimi haqida boradi. Aniqrog‘i, Shavkat Mirziyoyev O‘zbekiston transport tafakkuriga olib kirgan eng muhim yangilik – yo‘lni alohida qurilish obyekti emas, inson, iqtisodiyot va davlatni harakatga keltiradigan yaxlit tizim sifatida ko‘ra boshlagani haqida.
Abdulhamid Muxtorov,
O‘zbekiston Yozuvchilar uyushmasi a’zosi,
"Ziyo" media markazi direktori
Manba: "Yangi O‘zbekiston" gazetasi 2026 yil 14 avgust, 164-son