Sayt test holatida ishlamoqda!
19 Iyul, 2026   |   5 Safar, 1448
search icon
Avvalgi sayt
ЎЗ РУ EN AR

Toshkent shahri
Tong
03:26
Quyosh
05:01
Peshin
12:34
Asr
17:39
Shom
19:56
Xufton
21:28
Bismillah
19 Iyul, 2026, 5 Safar, 1448
Avvalgi sayt
#search
 YouTube

Xalqaro ilmiy konferensiya

08.10.2025   40809   2 min.
Xalqaro ilmiy konferensiya

Buxoro davlat texnika universitetida “Naqshbandiyaning ta’lim va axloqiy tarbiyadagi o‘rni” mavzusida xalqaro ilmiy konferensiya bo‘lib o‘tdi.

Konferensiyada Bangladesh, Indoneziya, Malayziya, Hindiston, Rossiya, Misr, Xitoy, Angliya va O‘zbekiston kabi o‘nga yaqin mamlakat olim va tadqiqotchilar buyuk mutafakkir Bahouddin Naqshbandiy merosining ta’lim va tarbiya jarayonidagi o‘rni, uning ma’naviy-axloqiy qadriyatlarni shakllantirishdagi ahamiyati yuzasidan mulohazalar bildirildi.

Xalqaro ilmiy konferensiya doirasida Buxoro davlat texnika universiteti Indoneziyaning Jam'iya Ahlith Thariqah al-Mu'tabarah an-Nahdliyah va Malang Islom universiteti bilan hamkorlik memorandumi imzolandi. Ushbu memorandum ilmiy, ta’limiy va ma’naviy sohalarda xalqaro hamkorlikni rivojlantirish, tajriba almashish va qo‘shma loyihalarni amalga oshirishga yo‘naltirilgan. Bu hamkorlik nafaqat universitetlararo ilmiy aloqalarni mustahkamlash, balki yosh avlod tarbiyasida naqshbandiylik ta’limotini chuqur o‘rganish va targ‘ib qilishga xizmat qiladi.

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

– Bugun tarixning chuqur ildizlariga ega, butun musulmon olami ma’naviy-ma’rifiy merosining muhim bo‘g‘ini bo‘lgan Naqshbandiya tariqatining ta’lim va axloqiy tarbiyadagi o‘rnini o‘rganish, uni zamonaviy yoshlar tarbiyasiga tatbiq etish borasida fikr almashish uchun to‘plandik, – deydi konferensiya ishtirokchisi Sed Vassem Ahamet. – Naqshbandiya bu faqat tasavvuf yo‘li emas, balki ruhiy kamolot, axloqiy poklik, ilmiy tafakkur, ustoz-shogird an’analari va amaliy mehnat uyg‘unligini o‘zida mujassam etgan yuksak ma’naviy maktabdir.

Tadbirda viloyati hokimining jamoat va diniy tashkilotlar bilan aloqalar bo‘yicha o‘rinbosari Azizbek Qalandarov ishtirok etdi. 

Zarif Komilov, Tohirjon Istatov  (surat), O‘zA muxbirlari.

Boshqa maqolalar
Yangiliklar

Markaziy bank huzurida Islomiy moliya kengashi tashkil etildi

16.07.2026   15998   2 min.
Markaziy bank huzurida Islomiy moliya kengashi tashkil etildi

Markaziy bank huzurida Islomiy moliya kengashi tashkil etildi. Bu haqda Spot regulyator matbuot xizmatiga tayanib xabar berdi.

Qayd etilishicha, kengash islomiy bank faoliyatini amalga oshiruvchi banklar, islomiy moliyalashtirish xizmatlarini ko‘rsatuvchi mikromoliya tashkilotlari, Omonatlarni kafolatlash agentligi hamda Markaziy bank nazorati ostidagi boshqa tashkilotlarning islomiy moliya faoliyatini muvofiqlashtiruvchi kollegial organ hisoblanadi.

Kengash tarkibiga besh nafar mutaxassis — islom huquqi bo‘yicha to‘rt nafar ekspert va islomiy moliya sohasidagi bir nafar texnik ekspert kiritildi.

O‘zbekiston musulmonlari idorasi Fatvo markazi bosh mutaxassisi Saidjamol Masayitov kengash raisi, markaz bosh mutaxassisi Muhammadayubxon Homidov esa rais o‘rinbosari etib tayinlandi. Shuningdek, Fatvo markazi mutaxassislari Hikmatilla Toshtemirov va Abdullatif Tursunov hamda Orient Audit Group auditorlik kompaniyasining boshqaruvchi hamkori Axrorjon Sadullayev kengash a‘zolari bo‘ldi.

Kengash a‘zolarining aksariyati islom huquqi sohasida ko‘p yillik tajribaga ega bo‘lib, O‘zbekiston musulmonlari idorasi Ulamolar kengashi tarkibiga kiradi hamda islomiy moliya yo‘nalishida AAOIFI xalqaro sertifikatlariga ega.

Texnik ekspert Axrorjon Sadullayev bank-moliya sohasida 20 yildan ortiq tajribaga ega. U avval Markaziy bank, Aloqabank, KDB Bank Uzbekistan, shuningdek, KPMG, Ernst & Young va Grant Thornton xalqaro auditorlik kompaniyalarida faoliyat yuritgan.

Kengash islomiy moliya standartlari loyihalarini xalqaro standartlar va mahalliy sharoitni inobatga olgan holda ishlab chiqadi.

Shuningdek, Markaziy bankka islomiy moliya faoliyatini tartibga solish va nazorat qilish masalalari yuzasidan xulosa va tavsiyalar beradi, normativ-huquqiy hujjatlar loyihalarini tayyorlashda ishtirok etadi hamda sohada yuzaga keladigan nizolar bo‘yicha tushuntirishlar beradi.

Bundan tashqari, kengash banklar va mikromoliya tashkilotlariga islomiy moliya faoliyati yuzasidan tavsiyalar beradi, ular bilan davriy maslahat uchrashuvlari o‘tkazadi.

Zarurat tug‘ilganda Islomiy moliya institutlari uchun buxgalteriya hisobi va audit tashkiloti (AAOIFI) yig‘ilishlarida Markaziy bank nomidan qatnashadi.

Markaziy bank ma‘lumotiga ko‘ra, kengash har yili o‘z faoliyati bo‘yicha hisobotni regulyator boshqaruviga taqdim etadi.

Spot, avvalroq, O‘zbekistonda islomiy mikromoliya xizmatlari hajmi 22 mlrd so‘mga yetgani haqida yozgandi.

O‘zbekiston musulmonlari idorasi Matbuot xizmati

O'zbekiston yangiliklari
#logo