"Tafriqadan qochamiz"
Islomda dinni odamlarga qiyin qilib tushuntirish va og‘ir talablar bilan cheklash, ixtilof chiqarish man etilgan. Anas ibn Molikdan rivoyat qilingan hadisda aytilishicha: "Rasululloh alayhissalom: “Osonlashtiringlar, qiyinlashtirmanglar, xotirjam qilinglar, bezdirmanglar”, dedilar" (Imom Buxoriy, 6125-hadis).
Imom Tahoviy musulmonlar orasidagi ixtilof chiqaruvchi tajovuzkor shaxslarni qoralab, ta’kidlagan: “G‘ayritabiiy odatlar, xilof, tafriqadan qochamiz. Adolatli, omonatli kishilarni do‘st tutamiz. Zulm va xiyonat ahlini yomon ko‘ramiz”.
O‘tkir G‘uzorov tayyorladi
Manba: https://t.me/Sof_aqida_uz/4302
Navoiyda yosh diniy soha xodimlari bilan muloqot o‘tkazildi
O‘zbekiston Respublikasi Prezidentining “Yangi O‘zbekiston yoshlari — 2030” strategiyasi ijrosini ta’minlash maqsadida Navoiy viloyatida yosh imom-xatib va imom-noiblar ishtirokida “Yoshlar bilan bir kun” loyihasi tashkil etildi.
Tadbirda Navoiy viloyati bosh imom-xatibi Temurxon domla Atoyev ishtirok etib, yosh kadrlar bilan ochiq va samimiy muloqot o‘tkazdi.
Uchrashuv davomida diniy soha xodimlari oldida turgan bir qator dolzarb vazifalar muhokama qilindi. Xususan:
-
Yoshlar bilan ishlash samaradorligini oshirish;
-
Ustoz-shogird an’analarini yanada mustahkamlash;
-
Oilaviy ajrimlarning oldini olishda diniy-ma’rifiy yondashuvlarni kuchaytirish;
-
Yot g‘oya va buzg‘unchi oqimlarga qarshi ilmiy asoslangan raddiyalar berish ko‘nikmalarini shakllantirish masalalariga alohida e’tibor qaratildi.
Mazkur ochiq muloqot yosh mutaxassislarni har tomonlama qo‘llab-quvvatlash, ularning kasbiy malakasini oshirish va o‘zaro tajriba almashishlari uchun muhim maydon bo‘lib xizmat qildi.
O‘zbekiston musulmonlari idorasi
Navoiy viloyati vakilligi
Matbuot xizmati
