Madinada ziyoratchilarni ruhlantirgan lahzalar!
Hamyurtlarimiz ayni kunlarda Rasululloh ﷺ shaharlari — muborak Madinada ibodat va ziyoratlar bilan mashg‘ul. Muborak safarga Fatvo markazi ulamosi va tajribali ellikboshilar boshchilik qilmoqda.
Ular ziyoratchilarni Uhud tog‘i va Qubo masjidlariga olib borib, bu muborak joylarning Islom tarixida tutgan o‘rni haqida ta’sirli ma’ruzalar qildilar.
Madina havosidagi sukunat, ulamolarning qalbga kirib boruvchi so‘zlari va ziyoratchilarning ixlosli duolari — har bir insonga zavqu shavq bag‘ishlaydi.
Alloh taolo bu safardagi hamyurtlarimizning ibodat va ziyoratlarini qabul aylasin!
O‘zbekiston musulmonlari idorasi
Matbuot xizmati
Odamlarning iymoni turlicha bo‘ladi
Tili va dili bilan iymon keltirib, uning taqozosiga ko‘ra go‘zal hayot kechirgan inson komil mo‘min deyiladi. Bunday kishilar do‘zax yuzini ko‘rmay, Allohning fazli-marhamati ila to‘g‘ri jannatga kiradilar. Tili va dili bilan iymon keltirib, katta gunohlar qilib, tavba qilmay vafot etgan inson fosiq mo‘min hisoblanadi...
Tili bilan iymon keltirib, qalbida iymoni bo‘lmagan kimsa munofiq hisoblanadi. Bunday kishiga dunyoda mo‘minlarga o‘xshab muomala qilingani bilan oxiratda ular uchun hech qanday nasiba bo‘lmaydi, Alloh asrasin.
Shayx Nuriddin XOLIQNAZARning “Rabboniy nidolar” kitobidan
