Qiyin vaziyatlarga tushib qolganda yordam beradigan odam bo‘lsa, bu siz uchun bebaho in’omdir. Biz ko‘pincha eng qiyin damlarda yonimizda qoladigan odamlarning borligini yoki qadrini sezmaymiz. Ular qo‘limizdan tutib, bizni qo‘llab-quvvatlab, o‘zimizga ishonmay qolsak ham, hammasi yaxshi bo‘lishiga bizni ishontirib, dalda bergan bo‘lishadi.
O‘zaro munosabatlarning haqiqiy kuchi aynan shunday paytlarda qiyin bo‘lganda namoyon bo‘ladi. Demak, muhabbat nafaqat quvonchli damlarda birga quvonish, balki har qanday sinovdan o‘tishda yelkadosh bo‘lish, matonat va g‘amxo‘rlik ko‘rsatishdir. Bu so‘z bilan o‘lchanmaydigan, balki harakatlarda namoyon bo‘ladigan haqiqiy hissiyotdir. Xo‘sh, sizning ana shunday bebaho yaqinlaringiz bormi? Bor bo‘lsa, hayotdagi mayda muammolar oldida hecham g‘am yemang. Bilsangiz, siz eng baxtiyor bandalardan ekansiz!..
Akbarshoh Rasulov
O‘zbekiston musulmonlari idorasi Kadrlar bo‘limi bosh mutaxassisi A. Bobomirzayev, Ta’lim va ilmiy-tadqiqot bo‘limi yetakchi mutaxassisi M. Xodjayev hamda Masjidlar bilan ishlash bo‘limi yetakchi mutaxassisi D. Rahimov Hadis ilmi maktabida bo‘ldi.
Tashrif doirasida bitiruvchi talabalarning ish taqsimoti masalalari atroflicha muhokama qilindi. Mas’ullar tomonidan yosh mutaxassislarni ishga yo‘naltirish, ularning bilim va salohiyatidan samarali foydalanish yuzasidan muhim maslahat, taklif va amaliy tavsiyalar berildi.
Uchrashuv ochiq muloqot ruhida o‘tib, talabalar o‘zlarini qiziqtirgan savollarga atroflicha javob oldi.