Yil yakuni munosabati bilan moliyaviy hisobchilar taqdirlandi
Yil yakuni munosabati bilan O‘zbekiston musulmonlari idorasi Buxoro viloyati vaklligi tizimidagi masjidlarda faoliyat yuritib, o‘z xizmat vazifalarini sidqidildan, mas’uliyat bilan bajarib kelayotgan moliyaviy hisobchi (mutavalli)larga minnatdorlik bildirildi hamda ular munosib taqdirlandilar.
Tadbirda moliyaviy hisobchi (mutavalli)larning masjidlar faoliyatida shaffoflikni ta’minlash, moliyaviy hisob-kitoblarni belgilangan tartib va qonun-qoidalar asosida olib borishdagi mehnatlari alohida e’tirof etildi. Shuningdek, ularning kelgusidagi faoliyatlariga muvaffaqiyat tilab, ezgu niyatlar bildirildi.
Ushbu tadbir tizimda xizmat qilayotgan xodimlarni rag‘batlantirish, ularning mehnatini qadrlash hamda mas’uliyatini yanada oshirishga qaratilgani bilan ahamiyatlidir.
O‘zbekiston musulmonlari idorasi
Buxoro viloyati vakilligi
Matbuot xizmati
Makkada Qur’oni karim bo‘yicha xalqaro musobaqa boshlandi
Makkada Qur’oni karimni yod olish, o‘qish va sharhlash bo‘yicha 46-xalqaro tanlov boshlandi.
IQNA "Saudi Gazette" nashriga tayanib xabar berishicha, payshanba kuni Makkada Qur’oni karimni yod olish, o‘qish va sharhlash bo‘yicha qirol Abdulaziz nomidagi 46-xalqaro tanlov boshlandi.
Oltinchi rabiulavvalga (19 avgustga to‘g‘ri keladi) qadar davom etadigan musobaqada 133 mamlakatdan jami 334 nafar erkak va ayollar ishtirok etmoqda, bu ushbu musobaqa tarixidagi eng katta vakillikdir.
Musobaqaning maqsadi "musulmon yoshlarni Qur’oni Karimni yod olish, anglash va mushohada qilishga undash, shuningdek, halol raqobatni yaratishdan iborat."
Tanlov beshta toifani o‘z ichiga oladi va umumiy sovrinlar miqdori 10 260 000 Saudiya rialini tashkil etadi - bu tanlov ta’sis etilganidan beri eng yuqori sovrin jamg‘armasi.
Avvalroq ushbu musobaqada O‘zbekiston sharafini quyidagilar himoya qilishi xabar qilingandi:
Muhammadabror qori Yunusxonov («Mir Arab» o‘rta maxsus islom bilim yurti talabasi) — (To‘liq Qur’on hifzi);
Muhammadamin qori Olimjonov («Sayyid Muhyiddin maxdum» o‘rta maxsus islom bilim yurti talabasi) — (15 pora hifzi);
Zilolaxon Farhodova (Imom Buxoriy nomidagi Toshkent islom instituti talabasi) — (To‘liq Qur’on hifzi);
Muxtasarxon Muhammadjonova («Xadichai Kubro» ayol-qizlar o‘rta maxsus islom bilim yurti talabasi) — (15 pora hifzi).
O‘zbekiston musulmonlari idorasi Matbuot xizmati