Yosh imomlar bilan uchrashuv o‘tkazildi
2024–2025 o‘quv yilida diniy ta’lim muassasalarini muvaffaqiyatli tamomlab, viloyat masjidlarida xizmat vazifasiga tayinlangan yosh imomlar va imom-noiblar bilan uchrashuv bo‘lib o‘tdi.
Mazkur tadbir yosh soha xodimlarini qo‘llab-quvvatlash, ularga ma’naviy-ma’rifiy yo‘nalishda zarur tavsiyalar berish hamda kasbiy faoliyatlarini yanada takomillashtirish maqsadida tashkil etildi.
Uchrashuvda Namangan viloyat bosh imom-xatibi Abdulloh domla Samatov ishtirok etib, o‘z nutqlarida yurtimizda yoshlarga yaratib berilayotgan keng imkoniyatlar, shuningdek, soha xodimlarining bilim va mahoratini muntazam oshirib borishi, zamonaviy ilm-fan va axborot texnologiyalarini chuqur egallashi muhim ekanini ta’kidladilar.
Shuningdek, peshvolik mas’uliyati, mav’iza qilish odob-axloqi, belgilangan tartib-qoidalarga qat’iy rioya etish, din va xalq manfaatlari yo‘lida fidoyilik bilan xizmat qilish lozimligi alohida qayd etildi.
Uchrashuv yakunida yosh soha xodimlariga kelgusi faoliyatlarida muvaffaqiyatlar tilab, doimiy izlanish va o‘z ustida ishlash kasbiy kamolotning muhim omili ekani ta’kidlandi.
O‘zbekiston musulmonlari idorasi
Namangan viloyati vakilligi
Matbuot xizmati
Farg‘onada 35 nafar yetim bolaning xatna to‘yi bayramona va ko‘tarinki ruhda nishonlandi
Alloh taolo ushbu ezgu ishga hissa qo‘shgan barcha saxovatpesha insonlarning ehsonlarini dargohida qabul qilsin, mol-u jonlariga baraka, oilalariga tinchlik va xotirjamlik ato etsin. Yurtimizda bunday xayrli amallar bardavom bo‘lib, yetim bolalarning yuzidagi quvonch va tabassum hech qachon arimasin.
Vaqf.uz sayti orqali o‘zingiz xohlagan yo‘nalishga ehson qilishingiz mumkin!