Yosh imomlar bilan uchrashuv o‘tkazildi
2024–2025 o‘quv yilida diniy ta’lim muassasalarini muvaffaqiyatli tamomlab, viloyat masjidlarida xizmat vazifasiga tayinlangan yosh imomlar va imom-noiblar bilan uchrashuv bo‘lib o‘tdi.
Mazkur tadbir yosh soha xodimlarini qo‘llab-quvvatlash, ularga ma’naviy-ma’rifiy yo‘nalishda zarur tavsiyalar berish hamda kasbiy faoliyatlarini yanada takomillashtirish maqsadida tashkil etildi.
Uchrashuvda Namangan viloyat bosh imom-xatibi Abdulloh domla Samatov ishtirok etib, o‘z nutqlarida yurtimizda yoshlarga yaratib berilayotgan keng imkoniyatlar, shuningdek, soha xodimlarining bilim va mahoratini muntazam oshirib borishi, zamonaviy ilm-fan va axborot texnologiyalarini chuqur egallashi muhim ekanini ta’kidladilar.
Shuningdek, peshvolik mas’uliyati, mav’iza qilish odob-axloqi, belgilangan tartib-qoidalarga qat’iy rioya etish, din va xalq manfaatlari yo‘lida fidoyilik bilan xizmat qilish lozimligi alohida qayd etildi.
Uchrashuv yakunida yosh soha xodimlariga kelgusi faoliyatlarida muvaffaqiyatlar tilab, doimiy izlanish va o‘z ustida ishlash kasbiy kamolotning muhim omili ekani ta’kidlandi.
O‘zbekiston musulmonlari idorasi
Namangan viloyati vakilligi
Matbuot xizmati
Buxoroda imkoniyati cheklanganlar uchun ma’rifiy suhbat bo‘lib o‘tdi
Buxoro shahridagi «Abu Bakr as-Siddiq» jome masjidida gapirish va eshitishda nuqsoni bo‘lgan fuqarolar uchun navbatdagi ma’naviy-ma’rifiy tadbir bo‘lib o‘tdi.
O‘zbekiston musulmonlari idorasi Buxoro viloyati vakilligi tashabbusi bilan tashkil etilgan suhbatni imom-xatib Orif domla To‘qsonov olib bordi. «Qalb pokligi — ruhiy tarbiya asosi» mavzusida kechgan suhbat malakali surdo tarjimoni vositasida ishtirokchilarga yetkazildi.
Uchrashuv davomida qatnashchilar aqida, fiqh va ijtimoiy hayotga oid savollariga batafsil javob oldilar. Tadbir yakunida ishtirokchilarga xayriya ehsonlari tarqatildi.
O‘zbekiston musulmonlari idorasi
Matbuot xizmati