Eng xatarli kasallik qaysi?
Insonga yetishi mumkin bo‘lgan eng xatarli kasallik qaysi? Siz, saraton deyishingiz mumkin. To‘g‘ri, Alloh asrasin, u og‘ir dard va musibat. Inson u xastalikdan vafot etishi mumkin va agar mo‘min bo‘lsa, jannatga erishadi. Agar unda saraton kasali bo‘lsa, yoki yurak xastaligi bo‘lsa, yoki jigar sirrozi bo‘lsa, yoki buyrak yetishmovchiligi bo‘lishi mumkin. Bu kasalliklarning bari xatarlidir. Uning sohibi bo‘lsa ushbu kasalliklar oqibatida vafot qilsa, agar u mo‘min bo‘lsa, jannatga kiradi.
Lekin insonni abadiy baxtsizlikka eltuvchi xastalik bor. U ham bo‘lsa, Alloh taolodan g‘aflatda bo‘lish, Undan uzoq bo‘lish xastaligidir. Alloh taolo aytadi: “Robbingni ertayu kech ichingda tazarru-la, qo‘rqib, ovoz chiqarib gapirmay zikr qil va g‘ofillardan bo‘lma” (A’rof surasi, 205- oyat).
Toshkent islom institutida Kengash yig‘ilishi bo‘lib o‘tdi
Imom Buxoriy nomidagi Toshkent islom institutida 2026-2027 o‘quv yilining 1-sonli Kengash yig‘ilishi bo‘lib o‘tdi. Yig‘ilishni institut rektori, Kengash raisi Uyg‘un G‘afurov boshqardi.
Majlisda muassasaning yangi o‘quv yilidagi faoliyatiga oid quyidagi muhim masalalar ko‘rib chiqildi va tasdiqlandi:
-
Institut Kengashi, tarkibiy bo‘limlar va kafedralarning 2026-2027 o‘quv yiliga mo‘ljallangan yillik rejalari hamda o‘tgan o‘quv yilidagi buyruqlar va murojaatlar ijrosi tahlil qilindi.
-
Bitiruv malakaviy ishlari mavzulari tasdiqlanib, ilmiy rahbarlar biriktirildi; fan oyliklari, to‘garaklar tashkil etish hamda yangi o‘quv qo‘llanmalarini nashrga tavsiya etish masalalari hal etildi.
-
Talabalar turar joyi to‘lovlari, ichki tartib-qoidalar va professor-o‘qituvchilar navbatchiligi tasdiqlandi.
-
Ta’lim tizimida ilk bor “Faxriy doktor”, “Faxriy professor”, “Faxriy dots.nt”, “Faxriy ustoz” va “Faxriy talaba” maqomlarini ta’sis etish, tegishli nizom hamda ko‘krak nishonlari eskizlari ma’qullandi.
-
Institutning 55 yillik yubileyini keng nishonlash rejasi, muassasani xalqaro akkreditatsiyadan o‘tkazish tayyorgarligi hamda 2030 yilgacha bo‘lgan rivojlanish strategiyasi ko‘rib chiqildi.
Yig‘ilish so‘nggida kun tartibidagi barcha yo‘nalishlar bo‘yicha tegishli qarorlar qabul qilinib, mas’ullarga aniq vazifalar yuklatildi.
O‘zbekiston musulmonlari idorasi
Matbuot xizmati
