Beqaror taqdir sabab bizga ta’na etganlarga ayting:
Qo‘rquvga qalbi to‘lgangina qismatga qarshi chiqmasmi?!

Doimo savob umidida bo‘ling. Chunki g‘am-tashvish yoki mahzunlik yetsa bilingki, u gunohlaringizga kafforot bo‘lmoqda. Agar siz biror farzandingizni yo‘qotsangiz, bilingki, u Qiyomat kuni sizga shafoatchi bo‘ladi. Agar sizga biror kamchilik yoki biror kasallik yetsa, bilingki, u Allohning huzurida ajr-mukofotga aylanib turibdi. Ochlik o‘z evazi bo‘lgan ajri, kasallik o‘z savobi va faqirlik esa o‘z mukofoti bilan U zotning huzurida saqlanib turibdi. Uning huzurida hech narsa zoye bo‘lmaydi, barchasini saqlaydi. Bu xuddi omonatni saqlab uni oxiratda egasiga qaytarish kabi amalga oshadi.

Shu’la: Namoz – ko‘ngilni xotirjam qilish va g‘amlarni daf etish kafilidir.

Doktor Oiz al-Qarniyning
"Dunyodagi eng baxtli ayol" kitobidan