Buxoroda ayol-qiz talabalar uchun seminar o‘tkazildi
#xabarlar
4 fevral kuni Buxoro viloyati "Jo‘ybori Kalon" ayol-qizlar o‘rta maxsus islom ta’lim muassasasida "Yurtimizda ayollarning huquqlari va vijdon erkinligi" mavzusida seminar bo‘lib o‘tdi.
Seminarda O‘zbekiston musulmonlari idorasi Xotin-qizlar masalalari bo‘yicha bo‘lim boshlig‘i D.Egamova va yetakchi mutaxassis M.Abubakirova ma’ruza qildilar.
Uchrashuv davomida quyidagi masalalar muhokama qilindi:
-
Din sohasidagi islohotlar va davlat-din munosabatlari;
-
Diniy ta’lim muassasasi bitiruvchilarini, ayniqsa ayol-qizlarni, ish bilan ta’minlash va qo‘llab-quvvatlash;
-
Otinoyilarning rasmiy ish bilan ta’minlanishi;
-
Ayol-qizlar hissasini kuchaytirish va ularning yurtimiz ravnaqiga qo‘shgan hissasi;
-
Sof e’tiqodni mustahkamlash va bid’at-xurofotlarga qarshi ma’rifiy ishlar.
Shuningdek, talaba-qizlarning savollariga mas’ullar tomonidan atroflicha javoblar berildi.
@muminauz
Bayram shukuhi Jizzaxda ham davom etmoqda
O‘zbekiston Respublikasi davlat mustaqilligining 35 yilligi arafasida “Vaqf” xayriya jamoat fondining Jizzax viloyati filiali tomonidan xayriya tadbiri tashkil etildi.
Viloyatning turli hududlaridan bo‘lgan boquvchisini yo‘qotgan 35 nafar bolaning xatna to‘yi qilib berildi.
Tadbirda bolajonlarga velosiped, kostyum-shim va ko‘ylaklar, shirinliklar qutisi sovg‘a qilinib, bayram dasturxoni yozildi.
Bolajonlarga qo‘shilib, ularning yaqinlari ham quvonchdan tashakkur aytib, tashkilotchilar, Yurtboshimiz haqlariga duolar qilishdi.
Shuningdek, tadbir doirasida ijtimoiy himoyaga muhtoj, boquvchisini yo‘qotgan hamda kam ta’minlangan oilalar farzandlariga e’tibor va g‘amxo‘rlik ko‘rsatilib, ularga ham hadyalar ulashildi.
Bunday ezgu tashabbuslar jamiyatda o‘zaro mehr-oqibat, saxovat va hamjihatlik muhitini mustahkamlash, yosh avlod qalbida Vatanga muhabbat va insonparvarlik tuyg‘ularini yuksaltirishga xizmat qiladi.
O‘zbekiston musulmonlari idorasi
Matbuot xizmati
