Birinchi gul: Xushbo‘y gullari va mevali shoxlari bor xurmo daraxti kabi bo‘ling.
Ikkinchi gul: Insonlarning ayblarini oshkor qilish va ularni to‘plashga vaqtingiz bo‘lmasin.
Uchinchi gul: Agar Alloh siz bilan birga bo‘lsa kimdan qo‘rqasiz? Agar U zot sizga qarshi bo‘lsa kimdan umid qilasiz?
To‘rtinchi gul: Hasad inson tanasini yemiradi, rashkning ko‘payishi esa to‘xtatib bo‘lmas olov kabidir.
Beshinchi gul: Bugun tayyorlaning, zaxira yig‘ing. Chunki ertangi kun sizning mulkingiz emas.
Oltinchi gul: Janjal va bekorchiliklardan uzoqlashing.
Yettinchi gul: Xulqingiz ila chiroyli bog‘u bo‘stonlardan ham go‘zal bo‘ling.
Sakkizinchi gul: Yaxshilikni yoying, shunda siz u ila insonlarning eng baxtlisiga aylanasiz.
To‘qqizinchi gul: Insonlarni ularni yaratgan Zotga, hasadni o‘limga qoldiring va dushmanlaringizni unuting.
O‘ninchi gul: Harom ishlarning lazzatidan keyin nadomat, hasrat va azob kelishini unutmang.
Doktor Oiz al-Qarniyning
"Dunyodagi eng baxtli ayol" kitobidan
Mir Arab oliy madrasasi katta o‘qituvchisi Ulug‘bek domla Jiyanov ayni paytda Misr Arab Respublikasidagi nufuzli Al-Azhar universitetida Abdulmajid ibn Nasuh al Hanafiyning "Tuhfatul as'hob va hadiyyatul ahbob" nomli fiqhga oid qo‘lyozma kitobi tadqiqoti yuzasidan doktorlik dissertatsiyasi ishlarini olib bormoqda.
Mazkur ilmiy faoliyat ustozning kasbiy salohiyatini yanada yuksaltirish, xalqaro ilmiy tajribani o‘rganish hamda islom ilmlari sohasidagi tadqiqotlarini chuqurlashtirishga xizmat qiladi.
O‘zbekiston musulmonlari idorasi Matbuot xizmati