Sayt test holatida ishlamoqda!
16 Noyabr, 2026   |   6 Jumadul soni, 1448

Toshkent shahri
Tong
05:50
Quyosh
07:12
Peshin
12:13
Asr
15:22
Shom
17:06
Xufton
18:23
Bismillah
16 Noyabr, 2026, 6 Jumadul soni, 1448

Gullar

12.02.2026   25083   1 min.
Gullar

Birinchi gul: Xushbo‘y gullari va mevali shoxlari bor xurmo daraxti kabi bo‘ling.

Ikkinchi gul: Insonlarning ayblarini oshkor qilish va ularni to‘plashga vaqtingiz bo‘lmasin.

Uchinchi gul: Agar Alloh siz bilan birga bo‘lsa kimdan qo‘rqasiz? Agar U zot sizga qarshi bo‘lsa kimdan umid qilasiz?

To‘rtinchi gul: Hasad inson tanasini yemiradi, rashkning ko‘payishi esa to‘xtatib bo‘lmas olov kabidir.

Beshinchi gul: Bugun tayyorlaning, zaxira yig‘ing. Chunki ertangi kun sizning mulkingiz emas.

Oltinchi gul: Janjal va bekorchiliklardan uzoqlashing.

Yettinchi gul: Xulqingiz ila chiroyli bog‘u bo‘stonlardan ham go‘zal bo‘ling.

Sakkizinchi gul: Yaxshilikni yoying, shunda siz u ila insonlarning eng baxtlisiga aylanasiz.

To‘qqizinchi gul: Insonlarni ularni yaratgan Zotga, hasadni o‘limga qoldiring va dushmanlaringizni unuting.

O‘ninchi gul: Harom ishlarning lazzatidan keyin nadomat, hasrat va azob kelishini unutmang.

Doktor Oiz al-Qarniyning
"Dunyodagi eng baxtli ayol" kitobidan

Boshqa maqolalar

Eng afzal sadaqa

07.10.2026   50281   1 min.
Eng afzal sadaqa

Afsuski, biz xorijiy filmlarda er xotinini ovqatlantirsa, hayratlanamiz, ammo bir hadisni unutamiz: “Eng afzal sadaqa – er o‘z xotinining og‘ziga solgan luqmasidir”.
* * *
Odamlar gul sovg‘a qilishni G‘arb odati deb o‘ylaydilar, ammo quyidagi hadisni unutadilar: “Kimga rayhon taklif qilinsa, uni rad etmasin, chunki u yengil va xushbo‘ydir”.
* * *
G‘arblik er xotini uchun mashina eshigini ochsa, hayratlanamiz, lekin Xaybar g‘azotida Rasululloh sollallohu alayhi va sallam charchagan bo‘lsalar-da, yerga o‘tirib, Sofiya onamizga muborak tizzalarini tutib, tuyaga mindirganlarini unutamiz. Jangdaki shunday bo‘lgan bo‘lsalar, uyda qanday bo‘lganlar?!
* * *
Rasululloh sollallohu alayhi va sallam Oysha onamiz roziyallohu anhoning bag‘rida vafot etdilar. Sajdada vafot etishlari mumkin edi, ammo xotinlarining quchog‘ini tanladilar.
* * *
Oysha onamiz u zot alayhissalom suv ichgan kosaning aynan o‘sha joyidan ichar edilar. G‘arb “etiketi” bunday paytda nima qiladi?

Rasululloh sollallohu alayhi va sallam dedilar: “Xotiningga yedirgan luqmang uchun ham ajr bor”. Bu – haqiqiy muhabbat va fidokorlik.
* * *
Oysha onamizdan: “Rasululloh sollallohu alayhi va sallam uyda nima qilar edilar?” deb so‘ralganda u zot: “Kiyimlarini tikar, qo‘y sog‘ar, o‘zlariga va ahliga xizmat qilar edilar”, deganlar. G‘arb etiketida esa “O‘zingga o‘zing xizmat qil”, deyiladi. Zero, Rasululloh sollallohu alayhi va sallamga ergashmagan kishi komil mo‘min emas.


Homidjon qori ISHMATBЕKOV tarjimasi