Sayt test holatida ishlamoqda!
16 Noyabr, 2026   |   6 Jumadul soni, 1448

Toshkent shahri
Tong
05:50
Quyosh
07:12
Peshin
12:13
Asr
15:22
Shom
17:06
Xufton
18:23
Bismillah
16 Noyabr, 2026, 6 Jumadul soni, 1448

Gullar

12.02.2026   25088   1 min.
Gullar

Birinchi gul: Xushbo‘y gullari va mevali shoxlari bor xurmo daraxti kabi bo‘ling.

Ikkinchi gul: Insonlarning ayblarini oshkor qilish va ularni to‘plashga vaqtingiz bo‘lmasin.

Uchinchi gul: Agar Alloh siz bilan birga bo‘lsa kimdan qo‘rqasiz? Agar U zot sizga qarshi bo‘lsa kimdan umid qilasiz?

To‘rtinchi gul: Hasad inson tanasini yemiradi, rashkning ko‘payishi esa to‘xtatib bo‘lmas olov kabidir.

Beshinchi gul: Bugun tayyorlaning, zaxira yig‘ing. Chunki ertangi kun sizning mulkingiz emas.

Oltinchi gul: Janjal va bekorchiliklardan uzoqlashing.

Yettinchi gul: Xulqingiz ila chiroyli bog‘u bo‘stonlardan ham go‘zal bo‘ling.

Sakkizinchi gul: Yaxshilikni yoying, shunda siz u ila insonlarning eng baxtlisiga aylanasiz.

To‘qqizinchi gul: Insonlarni ularni yaratgan Zotga, hasadni o‘limga qoldiring va dushmanlaringizni unuting.

O‘ninchi gul: Harom ishlarning lazzatidan keyin nadomat, hasrat va azob kelishini unutmang.

Doktor Oiz al-Qarniyning
"Dunyodagi eng baxtli ayol" kitobidan

Boshqa maqolalar
Yangiliklar

Londonda o‘tkazilgan “World Halal Food Festival 2026” festivalida o‘zbek palovi taqdim etildi

05.10.2026   166105   1 min.
Londonda o‘tkazilgan “World Halal Food Festival 2026” festivalida o‘zbek palovi taqdim etildi

Buyuk Britaniya poytaxtida o‘tkazilgan 12-xalqaro “World Halal Food Festival 2026” festivali doirasida mehmonlarga an’anaviy o‘zbek palovi taqdim etildi, deb xabar bermoqda “Dunyo” AA muxbiri.

Mazkur yirik gastronomik tadbirda Londondagi “Oshpaz” o‘zbek restorani jamoasi festival ishtirokchilari ko‘z o‘ngida maxsus cho‘yan qozonlarda an’anaviy uslub asosida o‘zbek palovini tayyorladi. Bu mehmonlarga nafaqat taomning betakror ta’midan bahramand bo‘lish, balki uni tayyorlash jarayoni va o‘zbek milliy oshxonasi an’analari bilan yaqindan tanishish imkonini berdi.

O‘zbek palovi festival mehmonlarida katta qiziqish uyg‘otdi. Xushbo‘y ziravorlar, guruch, sabzi va go‘shtning o‘zaro uyg‘unligi, shuningdek, qozonda tayyorlashning milliy usuli tadbir ishtirokchilarida yorqin taassurot qoldirdi.

“World Halal Food Festival” halol mahsulotlar, gastronomiya va madaniy xilma-xillikni targ‘ib qilishga bag‘ishlangan yirik xalqaro tadbir hisoblanadi. 2026 yilgi festivalda 25 dan ortiq davlatdan 200 dan ortiq halol mahsulotlar ishlab chiqaruvchilar va tadbirkorlar ishtirok etdi. Ikki kun davom etgan tadbirga 20 mingdan ziyod kishi tashrif buyurdi.

Festivalda ishtirok etish Britaniya jamoatchiligini o‘zbek milliy oshxonasi bilan yaqinroq tanishtirish, O‘zbekistonning boy gastronomik merosini xalqaro auditoriyaga yetkazish hamda mamlakatimizning turistik salohiyatini targ‘ib qilishga xizmat qildi.

O‘zbekiston musulmonlari idorasi Matbuot xizmati

O'zbekiston yangiliklari