Sayt test holatida ishlamoqda!
17 Noyabr, 2026   |   7 Jumadul soni, 1448

Toshkent shahri
Tong
05:51
Quyosh
07:13
Peshin
12:13
Asr
15:21
Shom
17:05
Xufton
18:22
Bismillah
17 Noyabr, 2026, 7 Jumadul soni, 1448

Gullar

12.02.2026   25174   1 min.
Gullar

Birinchi gul: Xushbo‘y gullari va mevali shoxlari bor xurmo daraxti kabi bo‘ling.

Ikkinchi gul: Insonlarning ayblarini oshkor qilish va ularni to‘plashga vaqtingiz bo‘lmasin.

Uchinchi gul: Agar Alloh siz bilan birga bo‘lsa kimdan qo‘rqasiz? Agar U zot sizga qarshi bo‘lsa kimdan umid qilasiz?

To‘rtinchi gul: Hasad inson tanasini yemiradi, rashkning ko‘payishi esa to‘xtatib bo‘lmas olov kabidir.

Beshinchi gul: Bugun tayyorlaning, zaxira yig‘ing. Chunki ertangi kun sizning mulkingiz emas.

Oltinchi gul: Janjal va bekorchiliklardan uzoqlashing.

Yettinchi gul: Xulqingiz ila chiroyli bog‘u bo‘stonlardan ham go‘zal bo‘ling.

Sakkizinchi gul: Yaxshilikni yoying, shunda siz u ila insonlarning eng baxtlisiga aylanasiz.

To‘qqizinchi gul: Insonlarni ularni yaratgan Zotga, hasadni o‘limga qoldiring va dushmanlaringizni unuting.

O‘ninchi gul: Harom ishlarning lazzatidan keyin nadomat, hasrat va azob kelishini unutmang.

Doktor Oiz al-Qarniyning
"Dunyodagi eng baxtli ayol" kitobidan

Boshqa maqolalar
Yangiliklar

Islom sivilizatsiyasi markazida imom-xatiblar uchun o‘quv-seminar o‘tkazildi

30.09.2026   205469   2 min.
Islom sivilizatsiyasi markazida imom-xatiblar uchun o‘quv-seminar o‘tkazildi

Din ishlari bo‘yicha qo‘mita huzuridagi Diniy-ma’rifiy sohada malaka oshirish va qayta tayyorlash instituti tinglovchilari ishtirokida O‘zbekistondagi Islom sivilizatsiyasi markazida Imom Moturidiy xalqaro ilmiy-tadqiqot markazi bilan hamkorlikda «Uchinchi Renessans chorrahasi» mavzusida o‘quv-seminar o‘tkazildi, xabar bermoqda iccu.uz .

Unda imom-xatiblarning kasbiy va ilmiy salohiyatini oshirish, diniy-ma’rifiy sohada amalga oshirilayotgan islohotlar, jamiyatda kechayotgan jarayonlar hamda zamonaviy yondashuvlar bo‘yicha bilimlarini kengaytirishga alohida e’tibor qaratildi.

Mashg‘ulotlar davomida tafsir ilmi va zamonaviy tafsir yo‘nalishlari, Qur’oni Karim ma’nolaridan bugungi ijtimoiy hayotda, xususan, yoshlar tarbiyasi va odob-axloq masalalarida samarali foydalanish imkoniyatlari muhokama qilindi.

Navoiy viloyati Navoiy shahri bosh imom-xatibi Dilshod Ergashev bunday mashg‘ulotlar bilimlarni yangilash va kasbiy malakani oshirishda muhim ahamiyat kasb etishini ta’kidladi.

«Bugun yurtimizda amalga oshirilayotgan islohotlar, diniy sohadagi xayrli ishlar va dunyoda kechayotgan jarayonlar haqida kengroq ma’lumot oldik. Ilmiy saviyamiz va malakamizni yanada oshirish uchun ko‘plab yangi bilimlarga ega bo‘ldik. Albatta, bu yerda olgan bilimlarimizdan o‘z faoliyatimizda foydalanamiz», — dedi u.

Uning qayd etishicha, seminarning Islom sivilizatsiyasi markazida o‘tkazilishi ham alohida ahamiyatga ega. Markazda jamlangan tarixiy va ilmiy meros imom-xatiblar uchun ham yangi ma’lumotlar va manbalar bilan tanishish imkonini beradi.

Samarqand viloyati Pastdarg‘om tumani bosh imom-xatibi Ozod Nazarov esa ilmni muntazam ravishda yangilab borish zarurligini ta’kidladi.

«Haqiqatdan ham ilm bir joyda turib qolsa, eskirib qolar ekan. Biz bu yerga kelib, ustozlarimiz huzurida ilmimizni yana bir yangilab oldik. Juda ko‘p yangi bilimlarga ega bo‘ldik. Ayniqsa, tafsir ilmi va zamonaviy tafsir yo‘nalishlari haqidagi mashg‘ulotlar biz uchun muhim bo‘ldi. Qur’oni Karim ma’nolaridan bugungi ijtimoiy hayotda, yoshlarimizning odob-axloqi va tarbiyasida qanday samarali foydalanish mumkinligi haqida ko‘plab yangi jihatlarni angladik», — dedi u.

O‘quv-seminar yakunida ishtirokchilar O‘zbekistondagi Islom sivilizatsiyasi markazining muzey qismi bilan ham tanishdilar. Uch ming yillik tarix, buyuk ajdodlarimizning ilmiy merosi va Renessans davrlariga bag‘ishlangan ekspozitsiyalar ularga seminar davomida olingan bilimlarni tarixiy manbalar va madaniy meros bilan uyg‘un holda anglash imkonini berdi.

Bunday o‘quv-seminarlar imom-xatiblarning bilim va malakasini muntazam ravishda yangilab borish, zamonaviy ilmiy yondashuvlarni o‘zlashtirish hamda ulardan diniy-ma’rifiy faoliyatda samarali foydalanishga xizmat qiladi.

O‘zbekiston musulmonlari idorasi Matbuot xizmati

O'zbekiston yangiliklari