Ilohiy muhabbat jazbasi
Bismillahir Rohmanir Rohiym
Inson zotida yaratilish e’tibori bilan nuqsonlar juda ko‘pdir. Lekin unda ajoyib bir jazba yashaydi. Agar uning jazbasi jo‘sh o‘rsa, undagi zaiflik quvvatga, jahli esa ilmga o‘zgaradi. Kamchiliklari mukammallikka aylanadi.
Shunda u inson jannatga haqli bo‘ladi. Bu jazbaning nomi “Ilohiy ishq” deyiladi. Bu xuddi niholning tagidagi suv kabidir. Agar suv bo‘lmasa, daraxt yam-yashil bo‘lib ko‘karmaydi. Uning tagida suv bo‘lsagina gullaydi, meva beradi. Insondagi ilohiy ishq ham daraxtning suvi kabidir. Agar insonda ilohiy muhabbat bo‘lsa, uning imoni gullay boshlaydi va undan mo‘minlik ifori taraladi va yon-atrofni ham o‘rab oladi.
Shayx Zulfiqor Ahmad Naqshbandiyning "Ilohiy ishq" kitobidan
Nodir Odinayev tarjimasi
Imom-noib xalqaro tanlov g‘olibi bo‘ldi
Toshkent shahar Yunusobod tumanidagi "Kulol-Qo‘rg‘on" jome masjidi imom noibi Bahodir domla Muhammadiyev O‘zbekiston – Buyuk Britaniya hamkorligida o‘tkazilgan xalqaro konferensiya doirasidagi «Buyuk xizmat – Oliy sharaf» ilmiy-amaliy ko‘rik-tanlovida g‘olib deb topildi.
Imom-domlamizning ilmiy faoliyati, ta’lim sohasidagi tashabbuslari hamda fidokorona mehnatlari yuqori baholanib, u kishi «Buyuk xizmat – Oliy sharaf» xalqaro esdalik va sharaf nishonlari hamda maxsus guvohnoma bilan taqdirlandilar.
Bahodir domlani ushbu yuksak e’tirof bilan samimiy qutlaymiz!
Alloh taolo domlamizning ilmlarini bundan-da ziyoda qilsin, dinimiz va el-yurtimiz rivoji yo‘lidagi ijodiy va ilmiy faoliyatlariga baraka bersin!
O‘zbekiston musulmonlari idorasi
Matbuot xizmati
