Sayt test holatida ishlamoqda!
27 Fevral, 2026   |   10 Ramazon, 1447
search icon
Avvalgi sayt
ЎЗ РУ EN AR

Toshkent shahri
Tong
05:43
Quyosh
07:01
Peshin
12:41
Asr
16:27
Shom
18:15
Xufton
19:27
Bismillah
27 Fevral, 2026, 10 Ramazon, 1447
Avvalgi sayt
#search
 YouTube
Maqolalar

Salavot aytishning 40 ta foydasi

25.02.2026   4302   3 min.
Salavot aytishning 40 ta foydasi

Bismillahir Rohmanir Rohiym

ULUG‘ USTOZ ULAMOLARIMIZ bayon qilib berganlar: 

KALOMULLOHNING OYATI KARIMALARIDA XUDOIM TAOLO MARHAMAT QILADI: «Albatta, Alloh va Uning farishtalari Payg‘ambarga salavot ayturlar. Ey, mo‘minlar! Sizlar ham unga salavot va salom aytingiz!» (Ahzob surasi 33/56 oyat). 

JANOBI  PAYG‘AMBARIMIZ

ASULULLOH  SALLALLOHU  ALAYHI  VASALLAM

MЕHR-MURUVVAT  TARIQASIDA  MARHAMAT  QILADILAR:

 

*«Uch toifa kishining qo‘lga kiritgan narsasida baraka bo‘lmaydi va qayerda bo‘lsa ham xorlanadi:

– mening nomimni eshitganda salavoti sharif aytmagan;

– Ramazon oyiga hurmat ko‘rsatmagan;

– ota-onasi tirik bo‘la turib, ularni xursand qilmagan.

 

 

SALAVOT aytishning 40 ta  FOYDASI:

  1. Salavot aytishda Alloh taoloning amriga itoat, bo‘ysunish bor.
  2. Payg‘ambarimiz alayhissalomga Alloh taoloning salavot aytishi bilan o‘zaro muvofiqlik bor. Ikki salavotning farqi bo‘lsa ham.
  3. Maloikalar bilan muvofiqlikda salavot aytish bor.
  4. Bir marta salavoti evaziga salavot aytuvchiga Alloh taolodan o‘nta salavot hosil bo‘ladi.
  5. Banda salavot sabab o‘n darajaga ko‘tariladi.
  6. Salavot aytuvchiga o‘nta savob-hasanot yoziladi.
  7. Salavot aytuvchidan o‘nta gunohi o‘chiriladi.
  8. Salavot – duoning ijobat bo‘lishi sabablaridan biridir.
  9. Salavot aytuvchi Payg‘ambarimiz Muhammad mustafo sallallohu alayhi vasallamning shafoatlariga musharraf bo‘ladi.
  10. Salavot aytish – gunohlar mag‘firat qilinishi sabablaridan biridir.
  11. Ahamiyatli ishlarida salavot aytuvchi bandaga Alloh taolo kifoya qiladi.
  12. Salavot aytuvchi Qiyomat kuni Payg‘ambarimiz sallallohu alayhi vasallamga yaqin bo‘ladi.
  13. Mashaqqat vaqtida aytilgan salavot sadaqaning o‘rniga o‘tadi.
  14. Hojatlari salavot sababidan ravo bo‘ladi.
  15. Alloh va farishtalari salavot aytuvchi bandaga salavot yo‘llaydilar.
  16. Salavot aytuvchi salavot sababli poklanadi.
  17. O‘limidan avval u bandaga jannat xushxabari yetadi.
  18. Qiyomat kunidagi qo‘rqinch, xavotirlardan najot topadi, qutuladi.
  19. Bandaga unutib qo‘ygan narsasini yodiga tushiradi.
  20. Aytgan salavotiga Payg‘ambarimiz sallallohu alayhi vasallam alik olib, javob qaytaradilar.
  21. Salavot aytishda banda hojatlarini so‘rashi bor.
  22. Salavot aytuvchi faqirlik-qashshoqlikdan saqlanadi.
  23. Salavot aytuvchi banda baxillikdan qutuladi.
  24. Salavot aytuvchi xor-zor bo‘lib, xo‘r bo‘lib qolishdan, duoibad kasofatidan omonda bo‘ladi.
  25. Salavot – aytuvchini jannat yo‘liga yo‘llanishi sababidir.
  26. Salavot aytishda Alloh taolodan Uning Habibiga maqtov so‘rash bor.
  27. Gapiradigan gaplari va boshqa so‘zlari komil bo‘ladi.
  28. Sirot ko‘prigida yorqin, ko‘pgina nurga musharraf bo‘ladi.
  29. Salavot aytuvchi jafodan, begonalikdan uzoq bo‘ladi .
  30. Salavot aytuvchi osmonlar-u yer ahli o‘rtasida Alloh taoloning maqtoviga sazovor bo‘ladi.
  31. Salavot aytish bilan banda barakot sohibi bo‘ladi.
  32. Salavot aytishda Alloh taoloning rahmatiga noil bo‘ladi.
  33. Salavot aytuvchida Rasululloh sallallohu alayhi vasallamga davomiy muhabbat bo‘ladi.
  34. Salavot aytuvchi Payg‘ambarimiz alayhissalomga suyukli bo‘ladi.
  35. Salavot – hidoyatga yo‘llab, qalbning hayoti sababidir.
  36. Payg‘ambarimiz sallallohu alayhi vasallamga salavot aytuvchining ismi ko‘rsatiladi.
  37. Sirot ko‘prigida sobitqadam bo‘ladi.
  38. Salavot aytuvchi Payg‘ambarimiz alayhissalomning ba’zi haqlarini ado qilgan bo‘ladi.
  39. Salavotda Alloh taoloni zikr qilish va Unga shukr qilish jamlangandir.
  40. Salavot – duodir!

    Ibrohimjon domla Inomov

Maqolalar
#logo
Boshqa maqolalar
Maqolalar

Istig‘forning 72 ta xislati

26.02.2026   5406   4 min.
Istig‘forning 72 ta xislati

 ULUG‘  USTOZ  ULAMOLARIMIZ  bayon  qilib  berganlar:

Kalomulloh – Qur’oni karimning muborak oyati karimalaridan va

Janobi Payg‘ambarimiz Rasululloh sallallohu alayhi vasallamning muborak hadisi shariflaridan

       ISTIG‘FOR ning 72 ta XISLATI:

 

  1. Alloh taologa itoatgo‘y banda istig‘for aytadi.
  2. Istig‘for aytgan banda payg‘ambarlar, solihlar yo‘lidan yuradi.
  3. Istig‘for aytuvchi odam imon halovatiga erishadi.
  4. Istig‘for bandani gunohlardan poklaydi.
  5. Istig‘for aytuvchining gunohlari savobli ishlarga almashtiriladi.
  6. Istig‘for aytuvchiga ne’matlar ko‘paytirib beriladi.
  7. Istig‘for bandaning ikki dunyoda ham martabasini ko‘taradi.
  8. Istig‘for baxt-saodat olib keladi.
  9. Istig‘for tufayli istig‘for aytuvchi ham, atrofdagi odamlar ham buzuqliklardan poklanadi.
  10. Istig‘for yomg‘ir yog‘ishiga sabab bo‘ladi.
  11. Istig‘for mol-dunyoga baraka kiritadi.
  12. Istig‘for aytuvchi inson farzand ne’mati bilan siylanadi.
  13. Dehqonchilik, chorvachilikdagi unumdorlik ham istig‘for aytish bilan uzviy bog‘liq.
  14. Istig‘for aytuvchi jahannamdan najot topadi.
  15. Istig‘for bandaning jannatga kirishiga sabab bo‘ladi.
  16. Istig‘for Alloh taoloning rahmati tushishiga sabab bo‘ladi.
  17. Istig‘for tanani baquvvat qiladi.
  18. Istig‘for aytuvchi odamning hayoti farovon bo‘ladi.
  19. Istig‘for aytuvchiga yaxshiliklar ko‘paytirilib beriladi.
  20. Istig‘for inson ko‘nglini xotirjam qiladi.
  21. Istig‘for boshga tushgan balolarni daf etadi.
  22. Istig‘for bandani Alloh taologa yaqinlashtiradi.
  23. Istig‘for aytuvchi odam Alloh taoloning rahmat-marhamatiga sazovor bo‘ladi.
  24. Istig‘for banda holatini ijobiy tomonga o‘zgarishiga sabab bo‘ladi.
  25. Istig‘for g‘iybatga kafforat bo‘ladi.
  26. Istig‘for shayton vasvasasini qaytaradi.
  27. Alloh taolo istig‘for aytgan bandani yaxshi ko‘radi.
  28. Istig‘for aytish Alloh taoloni xursand qiladi.
  29. Istig‘for g‘am-tashvishlarni ketkazadi.
  30. Istig‘for aytuvchi muammolaridan qutuladi.
  31. Istig‘for aytuvchi odam gunohlardan forig‘ bo‘ladi.
  32. Istig‘for aytuvchi muvaffaqiyat qozonadi.
  33. Istig‘for tashvishlarni aritadi.
  34. Ko‘p istig‘for aytuvchi odam kasallikdan to‘liq tuzalib ketadi.
  35. Istig‘for aytuvchi odam qiyinchilikdan farovonlikka chiqadi.
  36. Alloh taolo istig‘for aytuvchining mushkullarini oson qiladi.
  37. Yetib bo‘lmas marralarni istig‘for ila zabt etadi.
  38. Istig‘for ila dildagi vasvasalar yo‘qoladi.
  39. Istig‘for bilan qo‘rquvlar ariydi.
  40. Istig‘for bilan dilga quvonch kiradi.
  41. Istig‘for qalbga taskin beradi.
  42. Istig‘for ko‘ngilni xotirjam qiladi.
  43. Istig‘for tinchlik-xotirjamlik olib keladi.
  44. Istig‘for insonni sog‘lom qiladi.
  45. Istig‘for kasalliklarni aritadi.
  46. Istig‘for aytuvchi odam yorug‘ kunlarga erishadi.
  47. Istig‘for bilan inson orzusiga yetadi.
  48. Istig‘for aytuvchining dili yayraydi, ko‘ngli yoziladi.
  49. Istig‘for xursandchilik olib keladi.
  50. Istig‘for qalbni charog‘on, ruhni tetik qiladi.
  51. Istig‘for aytuvchining xotirasi kuchayadi.
  52. Istig‘for yuzni nurli qiladi.
  53. Istig‘for rizq kelishini osonlashtiradi.
  54. Istig‘for aytuvchining duosi qabul bo‘ladi.
  55. Alloh taolo istig‘for aytuvchining og‘irini yengil qiladi.
  56. Ko‘p istig‘for aytgan odam Qiyomat kuni nomai a’molini ko‘rib xursand bo‘ladi.
  57. Olamdan o‘tib ketgan ota-onalar farzandlari aytgan istig‘forlari tufayli jannatda eng yuqori martabalarga ko‘tarilishadi.
  58. Istig‘for odamni tushkunlikdan xalos etadi.
  59. Istig‘for hasrat-nadomatni, pushaymonni ketkazadi.
  60. Istig‘for qalbni tiniqlashtiradi.
  61. Istig‘for aytib yuruvchi odamga Alloh taolo har qanday qiyin vaziyatdan chiqish yo‘lini ko‘rsatadi.
  62. Istig‘for aytib yuruvchi odamning Alloh taolo musibatlarini ko‘taradi.
  63. Istig‘for aytib yurgan bandaning Alloh taolo har qanday qiyinchiliklarini yengillashtiradi.
  64. Istig‘for aytib yuruvchi inson qashshoqlikka yo‘liqmaydi.
  65. Istig‘for aytuvchining ishlari yurishadi.
  66. Istig‘for er-xotin o‘rtasidagi kelishmovchilikni daf etadi.
  67. Istig‘for farzandlarni itoatli qiladi.
  68. Alloh taolo istig‘for aytib yurgan odamga kutmagan tarafidan ne’mat, rizq jo‘natadi.
  69. Istig‘for aytuvchi odamning rizqi ulug‘ bo‘ladi.
  70. Istig‘for aytuvchi odamning kasb-koriga Alloh taolo xayr-baraka beradi.
  71. Kim mo‘minlar haqqiga istig‘for aytsa, Alloh unga har bir mo‘min muqobilida bittadan hasanot yozib qo‘yadi.
  72. Istig‘for aytilgan xonadonga ilohiy fayzu xayr-baraka kiradi.

 

Mehribon Parvardigorimiz o‘zlarimizni ham, farzand-zurriyotlarimizni ham O‘zi buyurgan, Janobi Payg‘ambarimiz alayhissalom tavsiya etgan, o‘tmishda o‘tganlarimizning ruhlari shod bo‘ladigan, xalqimiz xursand bo‘ladigan, ota-onalarimiz rozi bo‘ladigan yo‘llardan yurishimizni nasib etsin!

Ibrohimjon domla Inomov

 

Maqolalar
#logo