O‘zbekiston musulmonlari idorasida navbatdagi fuqarolar qabuli bo‘lib o‘tdi. Unda Diniy idora raisi o‘rinbosari Zayniddin domla Eshonqulov fuqarolarni qabul qildi.
Mazkur jarayonda fuqarolar tomonidan oilaviy munosabatlar, xayriya ishlarini tashkil etish, ijtimoiy ko‘mak va boshqa masalalarda qilingan murojaatlar tinglandi. Ellik nafarga yaqin murojaatchining har biri bilan ochiq va samimiy muloqot o‘tkazilib, ularni qiziqtirgan masalalar yuzasidan atroflicha tushuntirishlar berildi.
Ayrim murojaatlar joyida ijobiy hal etilgan bo‘lsa, qo‘shimcha o‘rganish talab etadigan masalalar tegishli bo‘lim va mas’ul xodimlarga yo‘naltirildi.
Shu bilan birga, murojaatchilarga qonunchilik va amaldagi tartiblar asosida huquqiy va amaliy tavsiyalar berildi. Hamyurtlarimiz qabul jarayonidan minnatdorligini bildirdi.
O‘zbekiston musulmonlari idorasi
Matbuot xizmati
Bismillahir Rohmanir Rohiym
#duo
Robbanag‘fir lanaa va li-ixvaaninallaziyna sabaquuna bil iymaan va laa taj’al fiy quluubinaa g‘illal-lillaziyna aamanu, Robbanaa innaka roufur rohiym.
"Ey Robbimiz, bizni va bizdan avval iymon bilan o‘tgan birodarlarimizni mag‘firat qilgin, iymon keltirganlarga qalbimizda nafrat (paydo) qilmagin. Ey Robbimiz, albatta, Sen mehribon va rahmli Zotsan" (Hashr surasi, 10-oyat).