Rizq bu – bomdod namoziga o‘z vaqtida ulgurishingiz, mol-mulkingizda kambag‘allarning nasibasi bo‘lishi, biror kuningiz Qur’ondan o‘z virdingizni o‘qimasdan o‘tmasligi, biror soatingiz Allohni zikr qilmasdan o‘tmasligi, garchi bir marta bo‘lsa-da, zikr qilishingiz rizqdir.
Rasululloh sollallohu alayhi vasallamga salavot aytish sharafiga noil bo‘lishingiz ham rizqdir va yana qalb xushusi, ko‘ngil yumshoqligi va miskinlarga bo‘lgan muhabbat ham rizqdandir.
Kimning kuni yuqoridagilardan biror nasibasiz o‘tsa, u yer yuzidagi barcha xazinalarga ega bo‘lsa ham, aslida faqirdir!
Poytaxtimizdagi Hyatt Regency Tashkent mehmonxonasida Indoneziya Respublikasining O‘zbekistondagi elchixonasi tomonidan Indoneziya mustaqilligining 81 yilligi munosabati bilan tantanali tadbir tashkil etildi.
Tadbirni Indoneziya Respublikasining O‘zbekistondagi Favqulodda va Muxtor elchisi Siti Ruha’ini Juha’yatin xonim hamda O‘zbekiston Respublikasi Investitsiyalar, sanoat va savdo vaziri Laziz Qudratov ochib berdi.
Tadbirda diplomatik korpus vakillari, davlat organlari, ishbilarmon doiralar hamda jamoat tashkilotlari vakillari ishtirok etib, Indoneziya xalqi uchun muhim bo‘lgan ushbu sanani nishonladi. O‘zbekiston va Indoneziya o‘rtasidagi do‘stona munosabatlarni alohida qayd etib o‘tishdi.
Ushbu tadbirda O‘zbekiston musulmonlari idorasi nomidan rais o‘rinbosari, “Vaqf” xayriya jamoat fondi rahbari Zayniddin domla Eshonqulov ham ishtirok etib, elchini istiqlol bayrami bilan muborakbod etdi. O‘zaro suhbat jarayonida Indoneziya Diyonat vazirligi va O‘zbekiston musulmonlari idorasi o‘rtasida hamkorlikni rivojlantirish, ikki davlatning vaqf fondlari aloqalarini yo‘lga qo‘yish bo‘yicha muzokaralar bo‘lib o‘tdi.
O‘zbekiston musulmonlari idorasi Matbuot xizmati