Fitr sadaqani bermagan edim
Bismillahir Rohmanir Rohiym
Savol: Men fitr ro‘zamni hayit namozidan oldin bera olmagan edim. Uni shu kunlarda bersam ham bo‘ladimi?
Javob: Bismillahir rohmanir rohiym. Ramazon hayiti kuni hayit namozini o‘qishdan oldin fitr sadaqasini ado etib qo‘yish mustahab amal sanaladi. Undan avval berib qo‘yish ham mumkin. Lekin kimdir hayit namozigacha ham ado eta olmagan bo‘lsa, namozdan keyin yoki boshqa kunlarda berib qo‘yadi. Chunki u ado etilmaguncha zimmadan soqit bo‘lmay turaveradi. Vallohu a’lam.
O‘zbekiston musulmonlari idorasi
Fatvo markazi.
Ozarbayjonning tabarruk qadamjolari ziyorat qilindi
Ozarbayjon safari davomida Turkiy davlatlar muftiylari va anjuman ishtirokchilari Boku, Fuzuliy, Ag‘dam, Shusha singari shaharlardagi muborak qadamjolarni ziyorat qilishdi. Xususan, Boku shahridagi Sayyid Yahyo Bakuviy ziyoratgohi va "Shahidlar xiyoboni"da bo‘ldilar.
Tashkilotchilar iltimosiga binoan O‘zbekiston musulmonlari idorasi raisi, muftiy Shayx Nuriddin Xoliqnazar hazratlari Ag‘dam shahridagi tarixiy “Juma” masjidida turli davlatlardan kelgan muftiylar, ulamolar va martabali mehmonlarga peshin namozida imomlik qilib berdilar.
Ziyoratlar asnosida ulamolar tomonidan Qur’oni karim oyatlari o‘qilib, qardosh ellar tinchligi, barqarorligi va birdamligini so‘rab xayrli duolar qilindi.
O‘zbekiston musulmonlari idorasi Matbuot xizmati
