115 oilaga ko‘mak berildi
Sayyor yig‘ilish
2026 yil 7 aprel kuni Piskent tumanidagi «Piskent» jome masjidida navbatdagi ma’naviy-ma’rifiy sayyor yig‘ilish o‘tkazildi.
Tadbirga O‘zbekiston musulmonlari idorasi raisi o‘rinbosari Zayniddin domla Eshonqulov raislik qildi.
Yig‘ilishda O‘zbekiston musulmonlari idorasi, O‘zMI Toshkent viloyati vakili, bosh imom Doniyor domla Ikromov, tumanlar-shaharlar bosh imom-xatiblari hamda otinoyilar, shuningdek, Piskent tumanidagi masjidlar imom-xatiblari, noiblar, otinoyilar, “Haj 2025” ziyoratchilari va mhallalar raislariishtirok etdi.
Yig‘ilish ishtirokchilari Piskent tumanidagi 7 ta masjid hamda 23 ta mahallaga biriktirildi.
Tadbir doirasida har bir mahallaning kamida 5 tagacha muammoli xonadoniga kirilib, u yerda yashayotgan kishilardan hol-ahvol so‘raldi.
Imom-xatiblar 7 toifaga mansub 115 ta oilaga kirilib, ma’naviy-ma’rifiy targ‘ibot hamda amaliy yordam tadbirlari olib borildi.
2 ta xonadonda yot g‘oyalar ta’siriga moyil bo‘lgan fuqaro bilan suhbatlashildi, uning tushunchalari to‘g‘rilandi.
Notinch oilalar o‘rganilib, ular yarashtirildi.
Shuningdek, 16 ta xonadonda ichkilikka ruju qo‘ygan kishilar bilan suhbatlar o‘tkazildi.
Ma’naviy ko‘makka muhtoj 18 ta oila ila muloqot qilindi.
Muxtasar aytganda, birgina shu tadbir doirasida mahallalardagi barcha jihat qamrab olindi.
Toshkent viloyati vakilligi
Matbuot xizmati
Aholi bilan ochiq muloqot: murojaatlar yechim topmoqda
O‘zbekiston musulmonlari idorasi tomonidan aholi bilan yo‘lga qo‘yilgan ochiq va samimiy muloqot tizimi fuqarolarning murojaatlarini atroflicha o‘rganish hamda ularga tezkor yechim topishda muhim omil bo‘lmoqda.
12 avgust kuni Diniy idora raisi o‘rinbosari Zayniddin domla Eshonqulov navbatdagi fuqarolar qabulini o‘tkazib, yurtdoshlarimizning arz, taklif va murojaatlarini tingladilar. Yuzma-yuz suhbat jarayonida masjidlar holati va faoliyati, imom-xatiblar ishi, Haj va Umra ziyoratlarini tashkil etish, oilaviy munosabatlarni tartibga solish hamda moddiy yordam ko‘rsatishga oid ko‘plab masalalar chuqur tahlil qilinib, ularning aksariyati joyida ijobiy hal etildi.
Eslatib o‘tamiz, bu kabi qabullar va fuqarolar bilan muloqot tadbirlari Diniy idoraning hududiy vakilliklari hamda yurtimizdagi barcha jome masjidlarda har haftaning chorshanba kuni imom-xatiblar tomonidan o‘tkazib kelinmoqda.
O‘zbekiston musulmonlari idorasi
Matbuot xizmati
