Toshkent viloyati Yangiyo‘l shahri "Navro‘z" mahalla fuqarolar yig‘ini 19-uyda yashovchi Madina Qurbonovaning eski, xaroba holatdagi xonadoni ta’mirlab berildi.
Og‘ir sharoitda yashab kelgan oilaning uyi qayta ta’mirlanib, foydalanishga topshirildi. Uy egalari bu quvonchli lahzada samimiy xursandchilik bildirib, duolar qilishdi.
Mazkur xayrli ishlar saxovatli insonlarning ehsonlari sabab amalga oshirilmoqda
Alloh taolo marhamat qiladi:
"Yaxshilik qilsangiz — o‘zingiz uchundir." (Isro surasi, 7-oyat)
Payg‘ambarimiz (sollallohu alayhi vasallam) aytganlar:
"Rahm qilganlarga Rahmon ham rahm qiladi."
Shu kabi ezgu ishlar orqali yana ko‘plab oilalarning hayotiga nur kirib bormoqda.
Siz ham yaxshilikka sababchi bo‘ling!
O‘ZINGIZ XOHLAGAN YO‘NALISHNI TANLANG VA EHSON QILING!
manba:
O‘zbekiston musulmonlari idorasi
Matbuot xizmati
Surxondaryoda otinoyilar uchun seminar-trening o‘tkazildi
Joriy yilning 7-8 sentyabr kunlari Surxondaryo viloyatining Imom Termiziy xalqaro ilmiy-tadqiqot markazi majlislar zalida ikki kunlik o‘quv-seminari doirasida "Mafkuraviy xatarlarga qarshi kurashishda otinoyilarning o‘rni hamda mas’uliyati" mavzusida seminar-trening bo‘lib o‘tdi.
Tadbirda O‘zbekiston musulmonlari idorasi Surxondaryo viloyati vakilining xotin-qizlar bo‘yicha o‘rinbosari, viloyat hokimligi mutasaddilari hamda diniy soxa xodimlari ishtirok etishdi. Ishtirokchilarga seminarning ahamiyati, "Aqida ilmining moxiyati va moturidiylik ta’limoti", "Yot oqimlar g‘oyalariga raddiyalar" - Imom Moturidiy xalqaro ilmiy- tadqiqot markazi katta ilmiy xodimi I.Abduraxmonov, "Globallashuv asrida ayollarni g‘oyaviy taxdidlardan asrash" - Imom Moturidiy xalqaro ilmiy- tadqiqot markazi bo‘lim boshlig‘i Sh.Jo‘rayev hamda "Xotin-qizlar bilan ishlashda uslubiy tavsiyalar" - O‘zbekiston xalqaro islomshunoslik akademiyasi dots.nti D.Turdiyevalar mavzularida so‘z yuritdilar.
Seminar davomida bugungi kunda uchrayotgan mafkuraviy tahdidlar, ularning oldini olish, jamiyatda sog‘lom ma’naviy muhitni shakllantirish, ayniqsa xotin-qizlar o‘rtasida ma’rifiy faoliyatni kuchaytirishda otinoyilarning o‘rni va mas’uliyati haqida atroflicha ma’lumotlar berildi.
Shuningdek, ishtirokchilar bilan ochiq muloqot tashkil etilib, mavzu yuzasidan fikr va takliflar muhokama qilindi hamda qiziqtirgan savollarga mutaxassislar tomonidan javoblar berildi.
Seminar-trening o‘z ishini yakunladi.
O‘zbekiston musulmonlari idorasi Matbuot xizmati
