Buxoro tumanida sayyor uchrashuv o‘tkazildi
O‘zbekiston musulmonlari idorasi Buxoro viloyati vakili, viloyat bosh imom-xatibi Jobir domla Elov boshchiligida navbatdagi sayyor uchrashuv Buxoro tumanida bo‘lib o‘tdi.
Unda masjid imom-xatiblari, otinoyilar, mahalla domlalari, raislar va jamoat faollari ishtirok etdilar.
Yig‘ilishda diniy-ma’rifiy faoliyatni rivojlantirish, aholi bilan samarali muloqot, yoshlarni sof e’tiqod va ma’naviyat ruhida tarbiyalash masalalari muhokama qilindi. Shuningdek, imom-xatiblar va otinoyilar malakasini oshirishga e’tibor qaratildi.
Shu bilan birga, “Yangi O‘zbekistonning tinchlik va ma’naviyat targ‘ibotchilari” tashabbusi doirasida “Sayyor qabul”ni tashkil etish bo‘yicha ko‘rsatmalar berildi. Ishchi guruh tuzilib, vazifalar belgilab olindi.
https://www.naqshband.uz/yangiliklar/buxoro_tuman_150426
O‘zbekiston musulmonlari idorasi
Buxoro viloyati vakilligi
Matbuot xizmati
Xorazmda yangi o‘quv yili oldidan xayriya tadbiri o‘tkazildi
Bugun, 10 avgust kuni Xorazm viloyati Urganch shahridagi «Oxun bobo» jome masjidida xayrli va saxovatpesha tadbir tashkil etildi.
O‘zbekiston Respublikasi mustaqilligining 35 yilligi hamda yaqinlashib kelayotgan yangi o‘quv yili munosabati bilan Urganch shahar bosh imom-xatibi Hasanboy domla va saxovatpesha homiylar tashabbusi bilan boquvchisini yo‘qotgan hamda kam ta’minlangan oilalar holidan xabar olindi.
Tadbir doirasida maktab yoshidagi o‘quvchilarga yangi o‘quv yili uchun zarur bo‘lgan maktab formasi, sumka va to‘liq o‘quv qurollari to‘plamlari tantanali ravishda topshirildi.
Marosim yakunida yurtimiz tinchligi, xonadonlar fayzu barakasi va xayrli ishga hissa qo‘shgan barcha saxovatpesha insonlar haqiga ezgu duolar qilindi.
O‘zbekiston musulmonlari idorasi
Matbuot xizmati
