Mavritaniyaga 300 ming nusxada Qur'oni karim tuhfa etildi
Saudiya Arabistonining Islom, da'vat va irshod ishlari vazirligi Mavritaniyada har yili o'tkaziladigan Qur'on va Sunnati nabaviya tanlovining barcha ishtirokchilariga 300 000 ga yaqin Qur'on nusxasi tarqatilishini e'lon qildi.
Mazkur musobaqa Saudiya Arabistoni Islom, da'vat va irshod ishlari vazirligi hamda Mavritaniya Islom va ta'lim-tarbiya ishlari vazirligi, Qur'oni karimni yodlatish xayriya markazlari hamkorligida o'tkazib kelinmoqda.
Ushbu 300 000 dona Qur'on kitobi Madinadagi Qirol Fahd majmuasi tomonidan chop qilingan.
Kitoblarning ma'lum qismi shu yilning 10 mart kuni yakunlangan Qur'oni karim va sunnati nabaviya musobaqasi ishtirokchilariga taqdim qilindi. Kitoblarining qolgan qismi esa Mavritaniyadagi Qur'oni karimni yodlatish bo'yicha faoliyat olib boruvchi xayriya markazlari va jamiyatlarida tahsil olayotgan talabalarga hadya etiladi.
Ushbu Qur'oni karim nusxalarining 250 minggi Qur'oni karimning Varsh rivoyatidagi Nofe' qiroati va yana 50 ming nusxasi esa Qolun rivoyatidagi Nofe' qiroatidan iborat. Hadya etilgan bu Qur'oni karim nusxalari mavritaniyalik qoriyalarning Nofe' qiroatida o'qishlarini osonlashtiradi.
O'MI Matbuot xizmati
Turkiy davlatlar muftiylari Boku shahrida jamlanadi
Joriy yilning 13–16 sentyabr kunlari Ozarboyjon poytaxti Boku shahrida Turkiy davlatlar muftiylari kengashining navbatdagi VII yig‘ilishi hamda uning doirasidagi bir qator tadbirlar bo‘lib o‘tadi.
Yig‘inlarda turkiy dunyoning yetakchi din peshvolari – O‘zbekiston musulmonlari idorasi raisi, muftiy Shayx Nuriddin Xoliqnazar, Kavkaz musulmonlari idorasi raisi, Shayxulislom Allohshukur Poshshozoda, Turkiya Diyonat ishlari boshqarmasi raisi Safi Arpagush, Qozog‘iston musulmonlari diniy boshqarmasi raisi, bosh muftiy Navro‘zbay hoji Tag‘anuli, Qirg‘iziston musulmonlari diniy nazorati raisi, muftiy Abdulaziz qori Zakirov, Turkmaniston muftiyci Rahmon Qurbonmurodov kabilar boshchiligidagi turkiy davlatlar ulamolaridan iborat delegatsiyalar ishtirok etadi.
Mamlakatimiz delegatsiyasi safidan O‘zbekiston musulmonlari idorasi Ulamolar Kengashi, Fatvo markazi, hududiy vakilliklar hamda oliy diniy ta’lim muassasalaridan vakillar joy olgan.
Tadbirlar doirasida ulamolar musulmon ummati uchun muhim bo‘lgan shar’iy masalalar, zamonaviy fatvolar va mushtarak tashabbuslarni muhokama qilib, yakuniy hujjatlarni imzolaydilar. Shuningdek, ilmiy-amaliy anjuman, ikki tomonlama muzokaralar hamda tabarruk qadamjolar ziyorati ham rejalashtirilgan.
O‘zbekiston musulmonlari idorasi Matbuot xizmati
- «
- »