Qalbdagi ishqqa to‘la muhabbat
Bismillahir Rohmanir Rohiym
Sahobalarning biri qo‘y boqib yuradigan cho‘pon edi. Har qachon Madinaga kelsalar, insonlardan Rasululloh sollallohu alayhi va sallam men yo‘qligimda qanday vasiyatlar qildilar, qaysi oyatlar nozil bo‘ldi deb surishtirib yurardilar.
Bir kuni shaharga kelganlarida kishilar Alloh taolo oyat nozil qildi va unda osmonlar va yerlar bilan qasam ichib, O‘zini yagona iloh ekanini ta’kidladi, deyishdi. Shunda haligi sahobiy qayg‘uga botib: “Kim ekan o‘sha Allohga ishonmaydigan kishiki, uning ishonishligi uchun Robbim qasam ichdi”, deb aytadilar. Subhanalloh! Qalbdagi ishqqa to‘la muhabbatni qarang!
Shayx Zulfiqor Ahmad Naqshbandiyning
"Ilohiy ishq" kitobidan Nodir Odinayev tarjimasi
Farg‘onada yana bir og‘ir bemorning holidan xabar olindi
«Vaqf» xayriya jamoat fondi Farg‘ona viloyati filialining fidoyi xodimlari va volontyorlari tomonidan saxovatpesha xalqimiz tomonidan qilingan xayr-ehsonlar ezgu maqsadlar yo‘lida sarflanmoqda.
Navbatdagi xayriya tadbiri doirasida Uchko‘prik tumanida yashovchi, jigar sirrozi kasalligiga chalingan og‘ir bemor Kazakov Ilyosjon Yoqubovichning holidan xabar olinib, unga jarrohlik amaliyoti xarajatlari uchun 132 million 500 ming so‘m miqdorida xayriya mablag‘i, oziq-ovqat mahsulotlari jamlanmasi, Mus'haf va boshqa ehsonlar topshirildi.
Bugun bemorlar va ehtiyojmand insonlarga ko‘rsatilayotgan bunday ko‘mak — xalqimizning mehr-oqibati, saxovati va hamjihatligining yorqin ifodasidir.
O‘zbekiston musulmonlari idorasi Matbuot xizmati
- «
- »