Xonadoningiz – azizlik va muhabbat mamlakatidir
Bismillahir Rohmanir Rohiym
Keltirdik iymon Rabbimiz Rahmonga,
Ergashdik elchisi mukarram zotga.
Qadrli singlim, ko‘proq uyingizda bo‘ling, muhim ishingiz bo‘lmasa ko‘chada behuda yurmang, chunki uyingiz saodatingiz siridir. Uyingizda baxt ta’mini totasiz, ibo-hayo va nomusingizni saqlaysiz. Ko‘chaga huda-behuda chiqaveradigan, bozoru guzarlarda aylanib yuraveradigan, keraksiz qandaydir narsalarni surtishtirib chiqaveradigan ayolda oxirat g‘ami bo‘lmaydi, biror narsani o‘rganish yoki ma’rifat hosil qilishga qiziqmaydi. Balki u vaqtini isrof qilayotgan, g‘ami faqat yeyish va ichish bo‘lgan ayol bo‘ladi. Shuning uchun ham siz ko‘chada behuda yurishdan saqlaning. Aslida, uyingiz baxt makoni, rohat o‘rni, insonlar aziyatidan salomat joydir, uni shunday go‘zal makonga aylantirish sizning qo‘lingizda. Shunday ekan, uyingizni muhabbat va surur makoniga aylantiring!
Shu’la: Tashvishlaringizni faqatgina sizga fikrlari va so‘zlari bilan saodatga eltadigan eng yaqin insonlaringizganiga oshkor qiling.
Doktor Oiz al-Qarniyning
"Dunyodagi eng baxtli ayol" kitobidan
Anjuman qatnashchilari Islom sivilizatsiyasi markaziga sayohat qilishdi
Xabar berganimizdek, 19-20 avgust kunlari Islom sivilizatsiyasi markazida O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalari professor-o‘qituvchilarining «Zamonaviy diniy ta’lim: pedagogika, ilm-ma’rifat va innovatsiya» nomli I ilmiy-amaliy anjumani bo‘lib o‘tmoqda.
Bugun, 19 avgust kuni ishtirokchilar kutib olinib, ularning Islom sivilizatsiyasi markaziga sayohati tashkil etildi. Tashrif davomida mehmonlar markazning boy ekspozitsiyalari, Qur’oni karim zali, nodir qo‘lyozmalar hamda buyuk ajdodlarimizning ilmiy merosiga bag‘ishlangan bo‘limlar bilan yaqindan tanishdi. Ayniqsa, zamonaviy multimedia loyihalari va tarixiy eksponatlar ularda chuqur taassurot qoldirdi.
Ustozlar Markazda amalga oshirilayotgan keng ko‘lamli ishlar islom ma’rifatini targ‘ib qilish hamda yosh avlodni milliy-diniy qadriyatlarga hurmat ruhida tarbiyalashda muhim ahamiyat kasb etishini e’tirof etishdi.
Shuningdek, ishtirokchilar O‘zbekiston musulmonlari idorasida ham bo‘lishdi. Hazrati Imom majmuasidagi tarixiy qadamjo va obidalarni ziyorat qilishdi.
Oqshomda Islom sivilizatsiyasi markazi binosida ma’rifiy dastur – mapping namoyish qilindi.
Mazkur tadbirlar islom sivilizatsiyasi merosini targ‘ib etish, diniy ta’lim tizimini yanada takomillashtirib, yangi bosqichga olib chiqishda salmoqli hissa bo‘lib qo‘shiladi.
O‘zbekiston musulmonlari idorasi Matbuot xizmati
