Xalq bilan muloqot: amaliy yechimlar berilmoqda
O‘zbekiston musulmonlari idorasi rahbariyatining aholi bilan bevosita muloqoti fuqarolarning diniy-ijtimoiy masalalarini hal etishda muhim omil bo‘lmoqda.
Xususan, 6 may kuni Diniy idora raisi o‘rinbosari Zayniddin domla Eshonqulov tomonidan o‘tkazilgan navbatdagi qabul doirasida imom-xatiblar faoliyati, masjidlar holati, oilaviy munosabatlar va moddiy yordam so‘rovlari atroflicha ko‘rib chiqildi.
Murojaatchilarning har biriga shar’iy masalalar yuzasidan zarur tavsiyalar berilib, ijtimoiy masalalar bo‘yicha amaliy ko‘mak ko‘rsatildi.
Ta’kidlash joizki, bunday ochiq muloqot tizimi yurtimizdagi barcha jome masjidlarda ham yo‘lga qo‘yilgan bo‘lib, har haftaning chorshanba kuni imom-domlalar fuqarolarni qabul qilib, ularning arz va takliflarini tinglab kelmoqda.
O‘zbekiston musulmonlari idorasi
Matbuot xizmati
Ashuro kunining ro‘zasini tutishni unutmang!
#muharram #ashuro #kafforat #iftorlik #saharlik
25 iyun payshanba kuni Muharram oyining 10-kuni – Ashuro kunidir.
Rasululloh sollallohu alayhi vasallam: "Ashuro kunining ro‘zasi – Allohdan umid qilamanki – bir yil oldingi gunohlarga kafforat bo‘ladi", deganlar (Imom Muslim rivoyati).
Ulamolarimiz Rasululloh sollallohu alayhi vasallamning ushbu niyatlariga e’tiboran, Ashuro kuniga qo‘shib bir kun oldingi yoki bir kun keyingi kunda ham ro‘za tutmoq afzal deydilar.
Og‘iz yopish va ochish vaqti (Toshkent vaqti bilan):
9 Muharram - 24 iyun - chorshanba
Saharlik (og‘iz yopish) vaqti: 03:05
Iftorlik (og‘iz ochish) vaqti: 20:05
10 Muharram - 25 iyun - payshanba
Saharlik (og‘iz yopish) vaqti: 03:05
Iftorlik (og‘iz ochish) vaqti: 20:05
11 Muharram - 26 iyun - juma
Saharlik (og‘iz yopish) vaqti: 03:05
Iftorlik (og‘iz ochish) vaqti: 20:05
Niyati: Xolis Alloh uchun nafl ro‘za tutishni niyat qildim.
Davron NURMUHAMMAD
- «
- »