Ummatingizni qanday taniysiz?
حدثنا عيسى بن أحمد العسقلاني أنا يزيد أنا حماد بن سلمة عن عاصم عن زر عن عبد الله قال: قيل: يا رسول الله كيف تعرف من لم تر من أمتك قال :هم غر محجلون بلق من آثار الوضوء.
Abdulloh roziyallohu anhudan rivoyat qilinadi: “Ey, Allohning Rasuli ko‘rmagan ummatingizni qanday tanib olasiz?” deb so‘raldi. U zot: “Ularning peshona va oyoq-qo‘llari tahoratning izidan oppoq nurli bo‘ladi (shundan taniyman)”, dedilar.
Abu Said Haysam ibn Kulayb Shoshiyning
“Musnadi Shoshiy” asaridan
Davron NURMUHAMMAD tarjimasi
Oliy ma’hadning 1-kurs talabalari O‘zbekiston musulmonlari idorasi faoliyati bilan tanishtirildi
Imom Buxoriy nomidagi Toshkent islom institutiga yangi qabul qilingan 1-kurs talabalari O‘zbekiston musulmonlari idorasi raisi o‘rinbosari ustoz Zayniddin domla hamrohligida idora faoliyati bilan yaqindan tanishdilar.
Tanishuv davomida talabalarga O‘zbekiston musulmonlari idorasining tarixi, tuzilmasi, asosiy vazifalari va faoliyat yo‘nalishlari haqida ma’lumot berildi. Shuningdek, diniy-ma’rifiy sohada amalga oshirilayotgan ishlar, ta’lim va ma’rifat yo‘nalishidagi loyihalar xususida so‘z yuritildi.
Talabalar idora faoliyatiga oid o‘zlarini qiziqtirgan savollarga javob olib, kelgusidagi ta’lim va kasbiy faoliyatlari uchun muhim ma’lumotlarga ega bo‘ldilar.
O‘zbekiston musulmonlari idorasi Matbuot xizmati
