Sayt test holatida ishlamoqda!
07 May, 2026   |   19 Zulqa`da, 1447
search icon
Avvalgi sayt
ЎЗ РУ EN AR

Toshkent shahri
Tong
03:42
Quyosh
05:13
Peshin
12:25
Asr
17:20
Shom
19:30
Xufton
20:55
Bismillah
07 May, 2026, 19 Zulqa`da, 1447
Avvalgi sayt
#search
 YouTube
Yangiliklar

Qashqadaryoda umumxalq xayriya hashari o‘tkazildi

07.05.2026   889   1 min.
Qashqadaryoda umumxalq xayriya hashari o‘tkazildi

Yurtimizda milliy va diniy qadriyatlarimizga hurmat ko‘rsatish, muqaddas qadamjolarni obod etish hamda aholi uchun munosib shart-sharoitlar yaratish borasidagi xayrli ishlar izchil davom ettirilmoqda.

Xususan, "9 may — Xotira va qadrlash kuni" hamda yaqinlashib kelayotgan muborak Qurbon hayiti bayrami munosabati bilan 2026 yil 7 may kuni O‘zbekiston musulmonlari idorasi Qashqadaryo viloyati vakilligi tasarrufidagi masjidlar, ziyoratgohlar va qabristonlarda umumxalq xayriya hashari uyushqoqlik bilan tashkil etildi.

«Poklik — iymonning yarmidir» degan hadisi sharif mazmuniga muvofiq ravishda o‘tkazilgan ushbu tadbirda diniy soha xodimlari, imom-xatiblar va mahalla faollari faol ishtirok etib, xonaqohlar, tahoratxonalar hamda ziyoratgohlar hududida keng ko‘lamli obodonlashtirish va ko‘kalamzorlashtirish ishlarini amalga oshirdilar.

Bu kabi ezgu tadbirlar atrof-muhit musaffoligini ta’minlash bilan birga, jamiyatda hamjihatlik, bag‘rikenglik va mehr-oqibat muhitini yanada mustahkamlashga xizmat qilmoqda. 
 

O‘zbekiston musulmonlari idorasi
Qashqadaryo viloyati vakilligi
Matbuot xizmati

Qashqadaryoda umumxalq xayriya hashari o‘tkazildi Qashqadaryoda umumxalq xayriya hashari o‘tkazildi Qashqadaryoda umumxalq xayriya hashari o‘tkazildi
O'zbekiston yangiliklari
#logo
Boshqa maqolalar
Maqolalar

Harakat qilish va intilish - bandadan

07.05.2026   962   1 min.
Harakat qilish va intilish - bandadan

Bismillahir Rohmanir Rohiym

Bizga rizq beruvchi Zot Allohdir, lekin U rizqni to‘g‘ridan to‘g‘ri og‘zimizga yoki quchog‘imizga tashlab qo‘ymaydi. Bizning vazifamiz — harakat qilish, Allohning ishi esa — muvaffaq qilish (tavfiq berish)dir.

«Uning (yerning) turli joylarida yuringlar va Uning rizqidan yenglar» (Mulk surasi, 15-oyat).

Hatto surunkali va og‘ir dardga chalingan Ayyub alayhissalomga ham Rabbisi shunday degan edi:

«Oyog‘ing bilan (yerni) tep! Mana bu cho‘miladigan muzdek suv va ichimlikdir» (Sod surasi, 42-oyat).

Hatto to‘lg‘oq azobida turgan Bibi Maryamga ham Alloh taolo:

«Xurmo shoxini o‘zingga qarab silkit, u senga yangi pishgan xurmolarni to‘kadi», — dedi (Maryam surasi, 25-oyat).

Pok va Muqaddas Zot xurmoni uning quchog‘iga shunchaki tashlab qo‘ymadi. Balki eng qiyin lahzada — to‘lg‘oq azobida bo‘lishiga qaramay, unga:

«Xurmo shoxini o‘zingga qarab silkit», — deb buyurdi.

Demak, harakat qilish va intilish — matlubdir.

Homidjon qori ISHMATBЕKOV

Maqolalar
#logo