Er: Asr namozini o‘qidingmi?
Xotin: Yo‘q.
Er: Shom namozini o‘qidingmi?
Xotin: Yo‘q.
Er: Nima uchun?!
Xotin: Ishdan juda charchab keldim va ozgina uxlab qolibman...
Er: Yaxshi... Bor, Xuftonga azon aytilguncha Asr va Shom namozlarini o‘qib ol.
Ertasi kuni... Er xizmat safariga jo‘nab ketdi. Odatda u manzilga yetib borishi bilan qo‘ng‘iroq qilar yoki xabar yo‘llab qo‘yardi. Ammo oradan bir necha soat o‘tsa hamki, undan darak bo‘lmadi.
Ayol xavotir olib, eriga qo‘ng‘iroq qila boshladi... Javob yo‘q. Qayta qo‘ng‘iroq qildi, telefon chaqiryapti, lekin ko‘tarmayapti.
Ayolning yuragiga g‘ulg‘ula tushdi! Bu uning odati emas edi-ku. Bir marta, ikki marta, uch marta qo‘ng‘iroq qildi... Foydasi yo‘q!
Bir necha soatdan keyin erning o‘zi qo‘ng‘iroq qildi.
Ayol hayajon bilan: Eson-omon yetib oldingizmi?
Er: Ha, yetib keldim, Alhamdulillah.
Ayol: Qachon yetib bordingiz?
Er: Taxminan 4 soat oldin.
Ayol g‘azab bilan: 4 soat oldin?! Nega menga qo‘ng‘iroq qilmadingiz?
Er: Juda charchab kelgandim, ozgina uxlab qolibman...
Ayol: Menga ikki og‘iz gapirish sizni charchatib qo‘ymasdi-ku... Keyin, men qo‘ng‘iroq qilganimda telefon ovozini eshitmadingizmi?!
Er: Eshitdim...
Ayol: Eshitib turib javob bermadingizmi?! Nima uchun? Nahotki men siz uchun ahamiyatsiz bo‘lsam?
Er: Aksincha... Lekin sen ham kecha azonni — Allohning nidosini eshitganingda unga beparvo bo‘lganding-ku...
Ayol (ko‘z yoshlarini tiyib, biroz sukutdan so‘ng): Ha... Siz haqsiz... Meni kechiring...
Er: Kechirim so‘raladigan zot men emasman. Allohdan mag‘firat so‘ra va boshqa bu ishni takrorlama. Zero, mening eng katta orzuim — Alloh bizni Jannatdagi qasrlarda go‘zal hayot ila jamlashidir.
O‘sha kundan boshlab ayol birorta namozini qazo qilmadi.
Sizni haqiqiy yaxshi ko‘rgan inson — sizni Alloh sari yetaklaydigan va ortga qaytishingizga yo‘l qo‘ymaydigan insondir.
Homidjon qori ISHMATBЕKOV
Unda mamlakatimizda faoliyat yuritayotgan turli diniy konfessiyalar vakillari, Kengash a’zolari, parlament, vazirlik va idoralar, jamoat tashkilotlari vakillari, shuningdek, mahalliy va xorijiy kuzatuvchilar ishtirok etdi.
Tadbirda jamiyatda tinchlik, o‘zaro hurmat va bag‘rikenglik muhitini mustahkamlash, turli konfessiyalar o‘rtasidagi hamjihatlikni asrab-avaylash muhim ahamiyatga ega ekani ta’kidlandi.
Yig‘ilish davomida mamlakatimizda vijdon erkinligini ta’minlash, diniy bag‘rikenglikni mustahkamlash va konfessiyalararo muloqotni rivojlantirish borasida amalga oshirilayotgan islohotlar atroflicha muhokama qilindi.
E’tirof etilganidek, Konfessiyalar ishlari kengashi turli diniy konfessiyalar, davlat va jamoat tashkilotlari o‘rtasida ochiq muloqotni yo‘lga qo‘yish, o‘zaro ishonchni mustahkamlash hamda dolzarb masalalarni hamjihatlikda hal etishda muhim maydon vazifasini bajarmoqda.
Muloqotlar davomida ishtirokchilar mamlakatimizda diniy bag‘rikenglikni ta’minlash borasida olib borilayotgan ishlar yuzasidan fikrlarini bildirdilar.
Shuningdek, xorijiy va mahalliy kuzatuvchilar ham mamlakatimizda diniy bag‘rikenglikni ta’minlash borasidagi tajriba, millatlararo va konfessiyalararo totuvlikni mustahkamlash hamda xalqaro hamkorlikni kengaytirish yuzasidan o‘z qarashlari bilan o‘rtoqlashdilar.
Ayniqsa, yosh avlodni bag‘rikenglik, o‘zaro hurmat va bag‘rikenglik tamoyillari asosida tarbiyalash, diniy konfessiyalar o‘rtasidagi hamkorlikni yanada kengaytirish, dinlar va madaniyatlar haqida xolis, ishonchli hamda ma’rifiy materiallar tayyorlash masalalariga alohida e’tibor qaratildi.
Ishtirokchilar O‘zbekistonda shakllangan konfessiyalararo totuvlik muhiti nafaqat mamlakatimizdagi barqarorlik, balki xalqaro miqyosdagi o‘zaro anglashuv va hamkorlik uchun ham muhim ahamiyat kasb etishini qayd etdilar.
Yig‘ilish yakunida Kengash faoliyatini yanada takomillashtirish, diniy konfessiyalar o‘rtasidagi muloqotni izchil davom ettirish, jamiyatda tinchlik, totuvlik va hamjihatlik muhitini mustahkamlashga qaratilgan taklif va tavsiyalar yuzasidan fikr almashildi.
Zero, bag‘rikenglik turli e’tiqod egalarining o‘zaro hurmat, ishonch va hamjihatlik asosida bir jamiyatda tinch-totuv yashash madaniyatidir. Bunday qadriyatlarni asrab-avaylash esa barqaror taraqqiyot va farovon kelajakning muhim kafolati sanaladi.
O‘zbekiston musulmonlari idorasi Matbuot xizmati