Sayt test holatida ishlamoqda!
16 Noyabr, 2026   |   6 Jumadul soni, 1448

Toshkent shahri
Tong
05:50
Quyosh
07:12
Peshin
12:13
Asr
15:22
Shom
17:06
Xufton
18:23
Bismillah
16 Noyabr, 2026, 6 Jumadul soni, 1448

Bu bir kam dunyodir!

12.05.2026   27511   1 min.
Bu bir kam dunyodir!

Robbimiz zikri birla g‘amlaringni quv,
Dard
olovin ustiga quygin undan suv.

Agar siz hayotni yuz foiz mukammal, hech qanday kamchiliksiz bo‘lishi kerak deb o‘ylasangiz xato qilasiz. Bunday mukammallik faqatgina jannatda bo‘ladi. Bu dunyodagi ishlar esa nisbiy bo‘lib, siz o‘ylagan barcha narsa ham ro‘yobga chiqavermaydi. Unda siz turli xil balo va ofatlar, musibat va imtihonlarga duch kelishingiz mumkin. Shunday vaqtlarda boriga shukr qiladigan, yo‘g‘iga sabr qila oladigan inson bo‘lishingiz kerak.

Umuman kasal bo‘lmay yashash, hech qanday qiyinchiliksiz boy bo‘lish, og‘irligi yo‘q saodat, salbiy jihatlari yo‘q er va kamchiliksiz do‘st izlab xayolingizda ideal olamni orzu qilmang. Barcha narsada kamchilik bo‘ladi. Buning o‘rniga siz salbiy jihatlar va xatolardan ko‘z yuming, ijobiy va go‘zal narsalarni ko‘ra oling. Doimo chiroyli gumon qiling, xatolarga uzr topishga intiling. Faqatgina Allohga suyaning, insonlarga suyanmang. Ular suyanishingiz va ishingizni topshirib qo‘yishingizga loyiq emas, chunki ular sizga yordam qila olishmaydi. Alloh taolo aytadi:

﴿إِنَّهُمْ لَنْ يُغْنُوا عَنْكَ مِنَ اللَّهِ شَيْئًا﴾

“Albatta, ular sendan Alloh tomonidan bo‘ladigan hech bir narsani arita olmaslar” (Josiya surasi, 19-oyat).

Shu’la: Hayotingiz zulmatli bo‘lishiga aslo rozi bo‘lmang. Nur mavjud, faqat siz uning porlashi uchun yoqish tugmasini bosishingiz kerak.

 

Boshqa maqolalar
Maqolalar

Duosi ijobat duotalablar

16.11.2026   3048   1 min.
Duosi ijobat duotalablar

Ali ibn Abu Harora rahimahulloh hikoyat qiladi: «Onam yigirma yildirki o‘rnidan tura olmasdi. Bir kuni menga:

– O‘g‘lim, Ahmad ibn Hanbalning huzuriga borib, undan men uchun Allohga duo qilishlarini so‘ra, – dedi. Men u zotning uyiga bordim va eshigini taqillatdim. Uyda edi. Eshikni ochmasdan:

– Kim u? – deb so‘radi.

– Men falon qasabadan keldim. Onam uzoq yillardan beri og‘ir bemor, o‘rnidan qo‘zg‘ala olmaydi. U meni sizdan duo so‘rashim uchun yubordi, – dedim. Shunda u kishining ajablangandek:

– O‘zimiz odamlarning duosiga muhtojmiz, – deganlarini eshitdim va noumid bo‘lib ortimga o‘girildim. Shu damda uydan bir kampir chiqib:

– Sen Abu Abdulloh (Ahmad ibn Hanbal) bilan gaplashgan yigitmisan? – dedi.

– Ha, – dedim.

– U kishi onang uchun duo qilishga kirishdi, – dedi kampir. Men shoshilib uyga yugurdim. Borib eshikni taqillatib, onamning iznini kutdim. Bir payt eshik ochildi. Qarasam, eshik oldida onam turibdi.

– Alloh menga shifo va ofiyat ato qildi, – dedi hayrat bilan».

Bu hikoya solih bandalarning duosi albatta qabul bo‘lishini va haqiqiy avliyolar o‘zlarini doimo Allohning rahmatiga muhtoj deb bilishini ko‘rsatadi. Ahmad ibn Hanbal rahmatullohi alayh duosi ijobat bo‘ladigan zotlardan edi. Ammo o‘zini hecham boshqalarning duosidan behojat deb bilmasdi.

Honiy al-Hojning “Solih va solihalar hayotidan ming bir qissa” kitobidan Ilyosxon AHMAD tarjimasi.

“Islom nuri” gazetasining 2026 yil 15-sonidan

Ibratli hikoyalar