100 nafar bolajonga quvonch ulashildi (foto)
1 iyun – Xalqaro bolalarni himoya qilish kuni munosabati bilan Samarqand viloyati Ishtixon tumanida 100 nafardan ziyod bolajonlar uchun xayriya va mehr-muruvvat tadbiri tashkil etildi.
Tadbirda viloyat bosh imom-xatibi o‘rinbosari Xayrullo domla Sattarov hamda tuman bosh imom-xatibi Toshmuhammad domla Abilov ishtirok etdilar. Diniy soha vakillari yurtimizda farzandlarning baxtli va sog‘lom voyaga yetishi, ularga qaratilayotgan yuksak e’tibor va yaratilayotgan imkoniyatlarning shar’iy hamda insoniy ahamiyati haqida so‘z yuritdilar.
Xayrli tashabbus doirasida bolajonlar uchun bayram dasturxoni yozilib, ularga maxsus sovg‘alar, shirinliklar va turli ehsonlar ulashildi. Mehr-oqibat va insonparvarlik namunasi bo‘lgan ushbu tadbir jajji qalblarda unutilmas taassurot qoldirdi.
Alloh taolo yurtimiz farzandlarini ilmli, odobli, sog‘lom va Vatanimiz ravnaqiga munosib insonlar qilib kamol toptirsin!
O‘zbekiston musulmonlari idorasi
Matbuot xizmati
«Qur’on tinchlikka buyuradi»
O‘zbekiston davlat mustaqilligining 35 yilligi munosabati bilan «Qur’on tinchlikka buyuradi» shiori ostida Samarqand shahridagi "Obi Rahmat" jome masjidida Qur’on musobaqasi tashkil etildi. Qur’oni karimga bo‘lgan muhabbatni yuksaltirish, qiroat va tajvid ilmlarini keng targ‘ib etish hamda jamiyatda tinchlik va osoyishtalik g‘oyalarini mustahkamlashga xizmat qiluvchi ushbu xayrli tadbirning saralash bosqichlaridan o‘tgan ishtirokchilar «Hifz» va «Mujavvid» yo‘nalishlari bo‘yicha bellashdi.
G‘olib va sovrindorlar:
«Hifz» yo‘nalishi:
1-o‘rin: Asqar Tursunov (Samarqand shahri, «Muhammadamin ota» masjidi imom-noibi);
2-o‘rin: Abduvakil Olimov (Urgut tumani, «G‘avsul A’zam» masjidi imom-xatibi);
3-o‘rin: Shavkat Mahmudov (Narpay tumani, «So‘fi Ziyrak» masjidi imom-xatibi).
«Mujavvid» yo‘nalishi:
1-o‘rin: Zikrullo Matlabov (Samarqand shahri, «Xo‘ja Abdu Darun» masjidi imom-noibi);
2-o‘rin: Burxoniddin Tursunov (Nurobod tumani, «Jom ota» masjidi imom-xatibi);
3-o‘rin: Isomiddin Isayev (Paxtachi tumani, «Xo‘ja Ziyovuddin» masjidi imom-xatibi).
Qo‘shimcha nominatsiyalar:
«Eng ta’sirchan tilovat»: O‘tkir Abdullayev (Pastdarg‘om tumani);
«Eng go‘zal tilovat»: Sardorxon Sobirov (Samarqand tumani);
«Tajvid qoidalariga eng mukammal rioya qilgan ishtirokchi»: Yusufxon Nizomov (Samarqand shahri).
Tadbir yakunida g‘oliblarga O‘zbekiston musulmonlari idorasi viloyat vakilligining diplomlari va «Vaqf» fondi filiali tomonidan qimmatbaho sovg‘alar topshirildi.
O‘zbekiston musulmonlari idorasi
Matbuot xizmati
