Farzandlar haqqiga qilinadigan duolar
- "Va mening zurriyotlarimni ham solihlardan qil" (Ahqof surasi, 15-oyat).
- "...va albatta, men Sendan unga va uning zurriyotiga quvilgan shaytondan panoh tilayman" (Oli Imron surasi, 36-oyat).
- "Robbimiz, O‘zing bizga jufti halollarimizdan va zurriyotlarimizdan ko‘z quvonchi hadya et..." (Furqon surasi, 74-oyat).
- "Robbim, meni va zurriyotlarimni namozni to‘kis ado etadiganlardan qilgin" (Ibrohim surasi, 40-oyat).
- "Robbimiz, ikkimizni O‘zingga musulmon bo‘lganlardan qil va zurriyotimizdan ham O‘zingga musulmon ummat qil..." (Baqara surasi, 128-oyat).
- "Robbim, menga O‘z huzuringdan pokiza zurriyot hadya et" (Oli Imron surasi, 38-oyat).
- "...va meni hamda bolalarimni sanamlarga ibodat qilishimizdan yiroq qilgin" (Ibrohim surasi, 35-oyat).
Prezident 35 yillik mustaqillik arafasida 852 nafar mahkumni afv etdi
Prezident Shavkat Mirziyoyev O‘zbekiston mustaqilligining 35 yilligi munosabati bilan 852 nafar jazo o‘tayotgan shaxsni afv etish to‘g‘risidagi farmonni imzoladi. Afv etilganlar orasida 7 nafar xorij fuqarosi, 375 nafar yoshlar, 49 nafar ayol va 60 yoshdan oshgan 37 nafar erkak bor, xabar bermoqda Batafsil.uz.
Afv etilgan 852 nafar shaxsdan 604 nafari jazoni to‘liq o‘tashdan ozod qilinadi. Yana 115 nafar shaxs jazoni o‘tashdan muddatidan ilgari shartli ravishda ozod etiladi.
52 nafar mahkumga tayinlangan jazo yengilroq jazo turiga almashtiriladi. 81 nafar shaxsning ozodlikdan mahrum qilish jazosi muddati esa qisqartiriladi.
Afv etilganlar orasida taqiqlangan tashkilotlar faoliyatida ishtirok etgan 63 nafar shaxs ham bor.
Prezident farmonida afv etishga asos sifatida mahkumlarning qilmishiga pushaymonligi va tuzalish yo‘liga qat’iy o‘tgani ko‘rsatilgan.
"O‘zbekiston 24" telekanali ma’lumotiga ko‘ra, Shavkat Mirziyoyev 2017 yildan buyon 31 ta afv etish to‘g‘risidagi hujjatni imzolagan. Ushbu hujjatlar jami 10 567 nafar jazo o‘tayotgan shaxsni qamrab olgan.
Xususan, Prezident Navro‘z va Ramazon hayiti arafasida ham 392 nafar mahkumni afv etgandi.
O‘zbekiston musulmonlari idorasi Matbuot xizmati
