Balo-musibatlarga mehmondo‘stlikni quyuq qiling, zero, ular o‘tkinchidir. Parvardigorning karami keng: Mo‘min bandasining oyog‘iga kirgan birgina zirapcha sababli Alloh taolo uning gunohlarini o‘chiradi. Ibn Javziy rahimahulloh aytadilar: "Balolar mehmondir bas, mehmondorchilikni quyuq qiling, toki ular mukofot diyoriga sizdan rozi bo‘lib ketsinlar. Balolar bo‘lmaganida qiyomatga quruq qo‘l bilan borgan bo‘lar edik. Agar senga g‘ayb pardasi ko‘tarilsa edi, mahzun bo‘lgan kunlaringni yaxshi ko‘rib qolarding. Agar balolarga sabr qilgan kishiga botmon-botmon savob berilayotganini ko‘rganingda, qalbing orom olib, qalbingni tirnagan alamlardan lazzatlangan bo‘lar eding".

Al-Azhar shayxi Shayx Ahmad Toyyib
Homidjon qori ISHMATBЕKOV tarjimasi