Yuqoridagilarga qo‘shimcha Ayyub alayhissalomning bir necha yil dard chekkanlarida o‘qigan duolarini o‘qiladi. Ushbu duo barakotidan u zot dardlaridan tuzalganlar.

﴿أَنِّي مَسَّنِيَ الضُّرُّ وَأَنْتَ أَرْحَمُ الرَّاحِمِينَ﴾

"(Ey, Robbim!) Menga musibat yetdi. O‘zing rahmlilarning rahmlirog‘idirsan".

Yana ushbu oyatni o‘qiladi:

﴿اللَّهُ نَزَّلَ أَحْسَنَ الْحَدِيثِ كِتَابًا مُتَشَابِهًا مَثَانِيَ تَقْشَعِرُّ مِنْهُ جُلُودُ الَّذِينَ يَخْشَوْنَ رَبَّهُمْ ثُمَّ تَلِينُ جُلُودُهُمْ وَقُلُوبُهُمْ إِلَى ذِكْرِ اللَّهِ ذَلِكَ هُدَى اللَّهِ يَهْدِي بِهِ مَنْ يَشَاءُ وَمَنْ يُضْلِلِ اللَّهُ فَمَا لَهُ مِنْ هَادٍ﴾

"Alloh go‘zal So‘zni (oyatlari balog‘atda) bir-biriga o‘xshagan, (hukmlari) takror-takror keluvchi bir Kitob (Qur’on) qilib nozil qildiki, undan (o‘qilganda) Parvardigoridan qo‘rqadigan zotlarning terilari (badanlari) titrab ketar, so‘ngra terilari va dillari Allohning zikriga yumshar (moyil bo‘lur). Mana shu (Kitob) Allohning hidoyatidirki, unga O‘zi xohlagan kishilarni hidoyat qilur. Kimni Alloh yo‘ldan ozdirsa, bas, uning uchun biror hidoyat qiluvchi bo‘lmas" (Zumar surasi, 23-oyat).

"Islomda salomatlik" kitobidan
Muhammad Zarif Muhammad Olim o‘g‘li