Bandamga so‘ragan narsasi bo‘ladi
Bas, qachon banda: “Alhamdu lillahi Rabbil alamiyn”, desa,
Alloh taolo bandam Menga hamd aytdi, deydi.
Va qachon: “Ar-Rohmanir Rohiym”, desa, Alloh taolo bandam Menga sano aytdi, deydi.
Va qachon: “Maliki yavmiddin”, desa, bandam Meni ulug‘ladi, deydi.
Bas, qachon, “Iyyaka na’budu va iyyaka nasta’iyn”, desa, bu Men bilan bandam o‘rtasida, bandamga so‘ragan narsasi bo‘lur, deydi.
Bas, qachon: “Ihdinas sirotol mustaqiym, sirotollaziyna an’amta alayhim g‘oyril mag‘zubi alayhim va lazzolliyn”, desa, bu bandam uchundir va bandamga so‘ragan narsasi bo‘lur, deydi”.
Shayx Nuriddin XOLIQNAZARning
“Rabboniy nidolar” kitobidan
Mustaqillik to‘yonasi: Buxoroda 35 nafar bolajonning sunnat to‘yi o‘tkazildi
O‘zbekiston Respublikasi mustaqilligining 35 yilligi munosabati bilan Buxoro viloyatida aholining ijtimoiy himoyaga muhtoj qatlamlarini qo‘llab-quvvatlash va ularning ko‘ngliga quvonch ulashishga qaratilgan xayriya tadbirlari davom etmoqda.
Xususan, joriy yilning 9 avgust kuni «Vaqf» xayriya jamoat fondi Buxoro viloyati filiali, hududdagi masjidlar xodimlari va saxovatpesha homiylar hamkorligida ehtiyojmand oilalarning 35 nafar farzandi uchun sunnat to‘ylari tashkil etildi.
Tadbir doirasida to‘ybolalarning har biriga 35 ta velosiped, 35 to‘plam o‘quv qurollari hamda yangi kostyum-shim, ko‘ylak va oyoq kiyimlar to‘plami tantanali ravishda topshirildi.
Tantanali marosimda so‘z olganlar bolajonlar va ularning ota-onalariga ezgu tilaklar bildirib, farzandlarni sog‘lom, barkamol va dinu diyonatli insonlar etib tarbiyalash, ularga munosib ta’lim berish eng muhim vazifalardan biri ekanini ta’kidladilar.
Dinimiz va xalqimizga xos bo‘lgan mehr-oqibat, saxovat va insonparvarlik fazilatlarining amaliy ifodasi bo‘lgan bu kabi xayrli tadbirlarni «Vaqf» fondi tomonidan izchil davom ettirish rejalashtirilgan.
O‘zbekiston musulmonlari idorasi
Matbuot xizmati
