Madinada Umar roziyallohu anhu nomi bitilgan qoyatosh topildi
Madina mintaqasidagi Al-Mahd ma’muriy tuman (muhofaza)da olib borilgan yirik arxeologik tadqiqotlar davomida ilk Islom davriga oid, ikkinchi xalifa Hazrati Umar ibn Xattob roziyallohu anhu nomi bitilgan qoyatosh topildi.
Bu haqda Saudiya Arabistoni Madaniy meros komissiyasi ma’lum qildi.
Toshga quyidagi duo so‘zlari o‘yib yozilgan:
الله ولي عمر بن الخطاب في الدنيا والآخرة لا إله إلا الله
“Alloh Umar ibn al-Xattobning bu dunyo va oxiratdagi do‘stidir (himoyachisi). Allohdan o‘zga iloh yo‘qdir”.
Matn qadimiy hijoziy xatida yozilgan.
Olimlarning ta’kidlashicha, bu yozuv xalifaning ushbu hududga shaxsan tashrif buyurganini anglatmaydi. Ammo u islomning ilk o‘n yilliklarida diniy ramzlar va rahbarlar nomlari savdo hamda ziyorat yo‘llari orqali qanchalik tez tarqalganini isbotlovchi muhim dalildir.
Davron NURMUHAMMAD
Muharram oyida ro‘za tutgin
Bismillahir Rohmanir Rohiym
Muharram oyi Ramazon oyidan keyin turadigan eng hurmatli oydir. Bu oy hijriy sananing boshlanish oyidir. Dinimizda bu oy urush harom qilingan oylardan biri hisoblanadi. Ashuro kuni esa muharram oyining o‘ninchi kunidir.
Payg‘ambarimiz Muhammad sollallohu alayhi vasallam bu oyda ro‘za tutishga targ‘ib qilganlar.
Ali roziyallohu anhudan rivoyat qilinadi. Bir kishi Rasululloh sollallohu alayhi vasallamga: "Ey Allohning Rasuli, Ramazondan keyin qaysi oyda ro‘za tutishimga buyurasiz", dedi.
Shunda u zot: "Agar Ramazondan keyin ro‘za tutmoqchi bo‘lsang, muharram oyida tutgin. Chunki u Allohning oyidir, unda bir qavmning tavbasini qabul qilgan yana boshqa qavmlarning ham tavbasini qabul qiladi", deb javob berdilar (Imom Termiziy rivoyati).
- «
- »