Jadidlarni qo‘llagan va Eshon Boboxonga ustozlik qilgan ulamo
Ushbu rasmlarda Buxoroning Mir Arab madrasasida dars bergan mudarris, o‘z davrining obro‘li shayxi hisoblangan domla Ikrom haqgo‘y tasvirlangan.
Ikrom domla Buxorodagi aksariyat ulamolardan farqli o‘laroq, jadidlar va ularning g‘oyalarini qo‘llab-quvvatlagan.
Qolaversa, u keyinroq O‘rta Osiyo va Qozog‘iston musulmonlari diniy boshqarmasini tashkil qilgan Eshon Boboxonga ham ustozlik qilgan. O‘zi esa Ahmad Donishning shogirdi bo‘lgan.
Oyina.uz
Buxoroda 600 dan ortiq abituriyent imtihon topshirdi (fotolavha)
O‘zbekiston musulmonlari idorasi tasarrufidagi oliy va o‘rta maxsus diniy ta’lim muassasalariga 2026-2027 o‘quv yili uchun kirish test sinovlarining 5-hudud (Buxoro viloyati) bo‘yicha imtihon jarayonlari Mir Arab oliy madrasasi binosida bo‘lib o‘tdi.
Mazkur hudud bo‘yicha diniy ta’lim muassasalariga hujjat topshirgan 657 nafar abituriyent test sinovlarida ishtirok etdi.
Imtihonlarning shaffofligi, adolatliligi hamda tartib-intizomini ta’minlash maqsadida jarayonlarga Din ishlari bo‘yicha qo‘mita va O‘zbekiston musulmonlari idorasi mas’ul rahbarlari, diniy ta’lim muassasalari mutasaddilari, pedagog-o‘qituvchilar hamda ichki ishlar va tibbiyot xodimlari jalb etildi.
Test sinovlari boshlanishidan oldin abituriyentlarga imtihon topshirish tartibi va baholash mezonlari batafsil tushuntirildi. Barcha jarayonlar belgilangan talab va qoidalarga muvofiq, yuqori darajada tashkil etildi.
Tashkilotchilar test jarayonlarining shaffof va tartibli o‘tishiga yaqindan ko‘maklashgan Buxoro shahar ichki ishlar organi, sog‘liqni saqlash boshqarmasi tibbiyot xodimlari hamda diniy ta’lim muassasalari vakillariga o‘z minnatdorligini bildirdilar.
O‘zbekiston musulmonlari idorasi
Matbuot xizmati
