Nuridan hidoyat topiladigan olim
Imom Abu Mansur Moturidiy rahmatullohi alayhi haqlarida Tamimiy quyidagilarni yozadi: "U kishi tengdoshlaridan ustun bo‘lgan. Zamon u bilan ziynatlangan edi. Uning ta’lifotlari keng tarqalgan, uning tasnifotlari har tarafga sayr etgan edi. Unga muvofiq bo‘lgan ham, muxolif bo‘lgan ham uning qadri oliyligiga va o‘rni buyukligiga ittifoq qilgan edi. U kishi ilmiga iqtido qilinadigan va nuridan hidoyat topiladigan katta va mashhur ulamolardan edi".
"Hidoyat imomi" kitobidan
Yagona Vatan, yagona xalq — ezgulik va mehr-oqibat sari!
Surxondaryo viloyati hokimi tashabbusi bilan O‘zbekiston Respublikasi davlat mustaqilligining 35 yilligi arafasida boshlangan “Yagona Vatan, yagona xalq bo‘lib, yangi hayot va kelajak yaratamiz!” shiori ostidagi ezgulik chellenji davom etmoqda.
Mazkur ezgu tashabbus doirasida Qumqo‘rg‘on tumanida ham ijtimoiy himoyaga muhtoj, e’tibor va ko‘makka ehtiyojmand oilalarning 51 nafar farzandlariga maktab o‘quv qurollari va so‘mkalar topshirildi.
Xususan, ushbu ezgu tadbir Qumqo‘rg‘on tumani "Shah Mashrab" jome' masjidida O‘zbekiston Musulmonlari idorasi Surxondaryo viloyati vakili R.Abdullayev, Surxondaryo viloyati hokimligi kotibiyat mudiri D.O’roqov, tuman Bosh imom-xatibi H.Zayniyev hamda tumandagi barcha masjid imom-xatiblari ishtirokida bo‘lib o‘tdi.
Bunday ezgu tashabbuslar orqali yurtdoshlarimizga mehr va g‘amxo‘rlik ko‘rsatilib, ularning og‘irini yengil qilish, muammolariga yechim topish hamda xonadonlarga bayramona kayfiyat ulashishga alohida e’tibor qaratilmoqda.
Zero, inson qadri, mehr-oqibat va saxovat bor joyda ezgulik bardavom bo‘ladi.
Qumqo‘rg‘on tuman hokimligi Axborot xizmati
