BAA "Manara" markazining O‘zbekistondagi vakili tayinlandi
O‘zbekistondagi Islom sivilizatsiyasi markazida Birlashgan Arab Amirliklarining “Manara” bag‘rikenglik va muloqot markazi doimiy vakolatxonasi o‘z faoliyatini boshladi.
Markaz raisi doktor Ali Rashid Al Nuaymiyning rasmiy maktubiga ko‘ra, Imom Moturidiy xalqaro ilmiy-tadqiqot markazi ilmiy kotibi Jasur Najmiddinov “Manara” markazining O‘zbekistondagi vakili etib tayinlandi.
Ushbu vakolatxona yurtimiz va xalqaro ilmiy hamjamiyat o‘rtasidagi aloqalarni kengaytirish, qo‘shma ilmiy loyihalar, tadqiqotlar va tajriba almashinuvini yangi bosqichga olib chiqishga xizmat qiladi.
O‘zbekiston musulmonlari idorasi
Matbuot xizmati
Xonadonlarga mehr, ko‘ngillarga umid taratgan bayram
O‘zbekiston musulmonlari idorasi raisi Shayx Nuriddin Xoliqnazar tashabbuslari bilan O‘zbekiston Respublikasi Mustaqilligining 35 yilligi munosabati bilan Qoraqalpog‘iston musulmonlari qoziyati va qoziyotga qarashli barcha masjid imom-xatiblari tomonidan nuroniy keksalar, mehnat faxriylari hamda yordamga muhtoj oilalarning holidan xabar olindi. Tadbir doirasida muhtoj oilalarning turmushini yengillashtirish maqsadida bir oilaga zamonaviy quyosh paneli o‘rnatib berilib, qo‘shimcha bayram sovg‘alari topshirildi. Bunday xayriya tashabbuslari jamiyatda o‘zaro ahillik, mehr-oqibat va inson qadrini ulug‘lash muhitini yanada mustahkamlashga xizmat qiladi.
Qoraqalpog‘iston musulmonlari qoziyoti
