Gretsiya poytaxti Afinadagi Islom san'ati muzeyi mamlakatdagi eng muhim muzeylardan biridir. Ushbu muzeyda Yunonistonda islom paydo bo'lishidan to Usmonlilar davrigacha bo'lgan islom tsivilizatsiyasining rivojlanish tarixini yoritib beruvchi ko'plab tarixiy eksponatlar namoyish etilmoqda.
Bular qatorida 100 yil avval Iskandariyada yashagan yunon muhojiri Antonius Benaki tomonidan jamlangan islomiy asarlar to'plami ham o'rin olgan. To'plamda ettinchi asrdan to o'ninchi asrgacha bo'lgan eksponatlar mavjud.
Shuningdek, muzeyda ko'plab tarixiy ashyolar namoyish etilmoqda. Hususan, islom san'ati va madaniyatini aks ettiruvchi qadimiy buyumlar, naqshlar, qo'lyozmalar, metall va shisha buyumlar, sopol buyumlar, tilla buyumlar, qalqonlar, urush asboblari, tilla taqinchoqlar hamda katta mahorat bilan ishlangan jarrohlik asboblari ham bor.
Ayni kunda mazkur muzeyga tashrif buyuruvchilarning qiziqishi tobora ortib bormoqda.
O'zbekiston musulmonlari idorasi Matbuot xizmati
Ma’lumki, O‘zbekiston musulmonlari idorasi raisi, muftiy Shayx Nuriddin Xoliqnazar hazratlarining tashabbuslari bilan imom-xatiblar va imom noiblari uchun tajvid darslari yo‘lga qo‘yilgan.
6-20 aprel kunlari Buxoro, Xorazm va Toshkent viloyatlarida qiroat darslarining navbatdagi amaliy mashg‘ulotlari bo‘lib o‘tdi.
Qur’on va tajvidni o‘rgatish hamda Masjidlar bilan ishlash bo‘limlari hamkorligida tashkil etilgan ushbu darslarda Abdulloh qori Haydarov (Buxoro viloyatida), Abdusamad qori Mamasoliyev (Xorazm viloyatida) va Abdulbosit qori Eshqobilov (Toshkent viloyatida) amaliy mashg‘ulotlar o‘tkazishdi.
Bunday o‘quvlar reja asosida davom etmoqda.
O‘zbekiston musulmonlari idorasi
Matbuot xizmati