Masjidul Haromda so'nggi texnologiyalar asosida yangi audiotizim ishga tushirildi. Uni sozlash va o'rnatish ishlarida 120 nafardan ortiq ovoz muhandislari ishtirok etdi, deya xabar berdi islamnews nashri.
Ziyoratchilarga azon sadosi va jamoat namoz ovozini etkazish uchun 7000 dan ortiq karnay o'rnatildi. Ovoz tizimini muvofiqlashtirish uchun Masjidul Harom hududida ikkita pul't boshqaruvi xonasi va yana bir zaxira tizimi mavjud.
Mazkur texnik yangiliklar Masjidul Harom va unga tutash hududlarni kengaytirish bo'yicha keng ko'lamli loyiha doirasida amalga oshirilmoqda.