Masjidul Haromda yangi audiotizim ishga tushirildi
Masjidul Haromda so'nggi texnologiyalar asosida yangi audiotizim ishga tushirildi. Uni sozlash va o'rnatish ishlarida 120 nafardan ortiq ovoz muhandislari ishtirok etdi, deya xabar berdi islamnews nashri.
Ziyoratchilarga azon sadosi va jamoat namoz ovozini etkazish uchun 7000 dan ortiq karnay o'rnatildi. Ovoz tizimini muvofiqlashtirish uchun Masjidul Harom hududida ikkita pul't boshqaruvi xonasi va yana bir zaxira tizimi mavjud.
Mazkur texnik yangiliklar Masjidul Harom va unga tutash hududlarni kengaytirish bo'yicha keng ko'lamli loyiha doirasida amalga oshirilmoqda.
Yaxshilik ulashib, ko‘ngillar shod bo‘lmoqda
Vatanimiz mustaqilligining 35 yillik bayrami arafasida Qoraqalpog‘iston Respublikasi bo‘yicha mehr-oqibat, oqibat va xayr-saxovat marafonlari yangicha sur’at va keng yoyilmoqda. Inson qadrini ulug‘lashni bosh maqsad qilgan ushbu ezgu tashabbuslar yurtimizdagi ijtimoiy himoyaga muhtoj oilalarga, yolg‘iz va boquvchisini yo‘qotgan farzandlarimizga mehr ulashishga qaratilgan.
"Vaqf" xayriya jamoat fondi Qoraqalpog‘iston bo‘limi tomonidan "Imom eshon Muhammad" jome masjidida yolg‘iz va boquvchisini yo‘qotgan farzandlarimiz uchun maktab formasi va o‘quv qurollarini berish tadbiri o‘tkazildi.
Ko‘ngillarga umid, yuraklarga quvonch taratgan tadbirda Qoraqalpog‘iston Respublikasi Vazirlar Kengashi Raisining o‘rinbosari Alisher Allaniyazov, Qoraqalpog‘iston musulmonlari qoziyoti qozisi Bahramaddin domla Razov va "Vaqf" xayriya jamoat fondi raisi A.Jolovshiyevlar ishtirok etib, 35 bolaga maktab formalari va bayram sovg‘alarini tantanali tarzda topshirdi.
Bunday g‘amxo‘rlik tadbiri farzandlarimizning ko‘zlarida quvonch uchqunini yoqib, ko‘ngillarida cheksiz faxr tuyg‘usini uyg‘otdi.
"Inson qadri ulug‘langan, mehr-oqibat ustuvor bo‘lgan yurtda doimo taraqqiyot va baraka bo‘ladi."
Qoraqalpog‘iston musulmonlari qoziyoti
