Bahrayn "kelajak masjidi" loyihasini ishlab chiqdi
Bahrayn rasmiylari islom me'morchiligini qayta ko'rib chiqib, yangi masjid loyihasini ma'qulladi. Unga ko'ra, ushbu masjid futuristik uslubda barpo etiladi, deb yozadi IslamNews.
Loyiha me'mori Ali Karimiyning so'zlariga ko'ra, qurilish qiymati taxminan 700 000 Bahrayn dinorini tashkil etib, loyiha qiymati xuddi shunday kattalikdagi masjidlardan 10-20 foizga arzon. Chunki masjid gumbazi quyosh nurlarini yaxshi o'tkazadigan qilib bunyod etilmoqda. Bu xonaqohni yorug' bo'lishiga xizmat qilishi barobarida elektr energiyani tejash imkonini beradi. Bunday uslub masjid qurilishida keng qo'llanilmoqda. Shuningdek, masjid loyihasida bir qancha yangiliklar qilinganki, bu namozxonlar uchun qulaylik yaratadi.
O'zbekiston musulmonlari idorasi Matbuot xizmati
Bugungi e’tibor – ertangi natija
Istiqlolimizning 35 yillik bayrami arafasida Farg‘ona viloyati bosh imom-xatibi Ubaydulloh domla Abdullayev ishtirokida Quvasoy shahrida xayriya tadbir o‘tkazildi. Unda 33 ta xonadonga oziq-ovqat mahsulotlari, 43 nafar bolajonga esa o‘quv qurollari va kiyim-kechaklar hadya qilindi.
Tadbirda farzandlar uchun munosib sharoit yaratish ezgulikning eng go‘zal ko‘rinishlaridan biri ekani, bugun yosh avlodning bilimi va kamoli uchun qilingan har bir xayrli amal ertangi kun taraqqiyotiga muhim hissa bo‘lib qo‘shilishi ta’kidlandi.
Bunday tadbirlar, shuningdek, Buvayda tumanidagi «Katta mahalla» masjidi jamoasi tomonidan ham tashkil etildi. Unda ijtimoiy ko‘makka muhtoj hamda boquvchisini yo‘qotgan oilalar farzandlaridan 70 nafariga maktabda ta’lim olishi uchun zarur bo‘lgan o‘quv qurollari tarqatildi. Bolajonlar mustaqillik bayrami hamda boshlanajak yangi o‘quv yili bilan muborakbod etildi.
Ilm va yoshlarni qo‘llab-quvvatlashga qaratilgan bunday ezgu tashabbuslar Farg‘ona shahridagi "Xo‘jamberdiboy", So‘x tumanidagi "Sulton Mahmud" masjidi jamoasi tomonidan ham tashkil etilmoqda.
O‘MI Farg‘ona viloyati vakilligi Matbuot xizmati
