Kattalangar Qur'oni Islom san'ati Biyennalesida taqdim etiladi
O'zbekiston madaniyat va san'atni rivojlantirish jamg'armasi Jidda shahrida (Saudiya Arabistoni) Islom san'atining birinchi biyennalesida ishtirok etib, mamlakatimizdagi noyob muzey eksponatlarini taqdim etadi.
O'zA xabariga ko'ra, 17 ob'ektdan iborat ekspozitsiyada Mushafning eng qadimiy qo'lyozmalaridan biri bo'lgan Kattalangar Qur'oniga alohida o'rin berilgan. Yaqinda Luvr mutaxassislari tomonidan tiklangan uning 13 sahifasidan ikkitasi hozirda fond tomonidan Parijda tashkil etilgan ko'rgazmada birinchi marta namoyish etilmoqda. Islom san'ati Biyennalesida Qur'onning to'rt sahifasi bo'lib, ulardan ikkitasi birinchi marta ko'rsatiladi.
Islom san'ati Biyennalesi shu yilning 23 yanvaridan 23 apreliga qadar Jidda (Saudiya Arabistoni)da Canopy Terminal hududida bo'lib o'tadi.
O'zbekiston musulmonlari idorasi matbuot xizmati
Akademiya rektori «Do‘stlik», Islom sivilizatsiyasi markazi direktori «Fidokorona xizmatlari uchun», akademiya professori «Imom Buxoriy» ordenlari va «Ziyo» media markazi rahbari «Shuhrat» medali bilan taqdirlandilar
O‘zbekiston Respublikasi Prezidentining farmoniga muvofiq, O‘zbekiston Respublikasi davlat mustaqilligining o‘ttiz besh yilligi munosabati bilan turli sohalar vakillari faxriy unvonlar, ordenlar va medallar bilan mukofotlandilar.
Xususan, O‘zbekiston Respublikasi Prezidentining diniy-ma’rifiy masalalar bo‘yicha maslahatchisi, O‘zbekiston xalqaro islomshunoslik akademiyasi rektori Kamilov Muzaffar Muratovich "Do‘stlik" ordeni bilan, O‘zbekistondagi Islom sivilizatsiyasi markazi direktori Abduxalikov Firdavs Fridunovich «Fidokorona xizmatlari uchun» ordeni bilan, mazkur akademiyaning "Arab tili va adabiyoti al-Azhar" kafedrasi professori Islomov Zohidjon Mahmudovich «Imom Buxoriy» ordeni bilan va akademiya huzuridagi "Ziyo" media markazi direktori Muxtarov Abduxamid Abduaxatovich "Shuhrat" medali bilan taqdirlandilar.
O‘zbekiston musulmonlari idorasi jamoasi doimiy hamkor tashkilotlarimiz rahbarlari va ustozlarni mazkur yuksak mukofotlar bilan muborakbod etib, Alloh taolodan mamlakatimiz taraqqiyoti, xalqimiz farovonligi va muborak dinimiz rivoji yo‘lidagi faoliyatlarida yangidan-yangi muvaffaqiyatlar tilaymiz.
O‘zbekiston musulmonlari idorasi Matbuot xizmati
