Sayt test holatida ishlamoqda!
22 Noyabr, 2026   |   12 Jumadul soni, 1448

Toshkent shahri
Tong
05:56
Quyosh
07:14
Peshin
12:14
Asr
15:17
Shom
17:02
Xufton
18:18
Bismillah
22 Noyabr, 2026, 12 Jumadul soni, 1448

Ixtilof

13.01.2023   7064   1 min.
Ixtilof

Ba'zi shaxs va jamoalar o'zlaridan islom etakchilari yasab olishadi. Ular o'z mabda'larini, fikrlarini, rejalarini va strategiyalarini tuzib olib so'ngra Qur'oni karimdan o'sha mabda'larini qo'llab quvvatlaydigan hujjat qidirishadi. Ular o'zlarini islom etakchilari deb hisoblashadi, dinga ergashuvchilar emas.

Aynan ana shu ish Allohga qarshi borishdir. Islomni soxtalashtirishdir. Ana shu kasofatlar sabab maydonda "mo''tadil islom", "radikal islom", "siyosiy islom", "islom ekstremizmi", "islom terrorizmi" kabi atamalar paydo bo'ldi.

Aslida islom bitta. Uni Qur'oni karim va sunnati nabaviyya ifoda etadi. Ana shu asl islomni ifoda etadigan Qur'oni karimni va sunnati nabaviyyani faqatgina pokizalar fahmlashi mumkin. Ya'ni, havoyi nafsidan pokizalar, shaxsiy g'arazlardan pokizalar...

Alloma Abul Hasan Nadviy rahimahulloh o'zining kitobi muqaddimasida aytadi:
"Bu kitobni yozishdan maqsadim bir g'oyaga asos solib so'ngra tarixni o'sha g'oyaga bo'ysundirish emas. Tarixni xolis (beg'araz) o'rganishdir".

Biz o'z qarashlarimizga dindan hujjat-dalil qidirishimiz kerak emas, balki qarashlarimizni dinga moslashtirishimiz lozim. Zero dinni biz emas, aksincha din bizni boshqaradi!



Manbalar asosida tayorlandi
Fazliddin Salimov

MAQOLA
Boshqa maqolalar

20 OKTYABR — O‘ZBЕKISTON MUSULMONLARI IDORASI TASHKIL TOPGAN KUN!

20.10.2026   59349   1 min.
20 OKTYABR — O‘ZBЕKISTON MUSULMONLARI IDORASI TASHKIL TOPGAN KUN!

 2026 yil 20 oktyabr ushbu qutlug‘ dargoh ta’sis etilganiga 83 yil to‘ldi. 1943 yilning ayni shu kuni Toshkent shahrida bo‘lib o‘tgan ulamolar va din arboblari qurultoyida mazkur mas’uliyatli tuzilmaga asos solingan edi.

Tarixdan muhim qaydlar:

Tashabbus: 1943 yil iyulda Eshon Boboxon boshchiligidagi mintaqa ulamolari taklifi bilan idora ochishga rasmiy ruxsat olindi.

Ilk qurultoy: 1943 yil 15–20 oktyabr kunlari Shayx Eshon Boboxonning Qorasaroydagi hovlisida bo‘lib o‘tdi.

Ilk muftiy: 5 ta respublikadan kelgan 160 dan ziyod vakil bir ovozdan Shayx Eshon Boboxon ibn Abdulmajidxonni besh respublika muftiysi etib sayladi.

Diniy idora manzillari:

1943–1956 yillar: Muftiy Eshon Boboxon hazratlarining hovlisida;

1956–2007 yillar: «Baroqxon» madrasasi binosida;

2007 yildan: Hazrati Imom majmuasida barpo etilgan zamonaviy binoda;

2026 yildan: Toshkent shahrida bunyod etilgan muhtasham Islom sivilizatsiyasi markazi binosida faoliyat yuritmoqda.

O‘zbekiston musulmonlari idorasiga rahbarlik qilgan muftiylar:

1. Shayx Eshon Boboxon ibn Abdulmajidxon (1943–1957);

2. Shayx Ziyovuddinxon ibn Eshon Boboxon (1957–1982);

3. Shayx Shamsiddinxon Boboxonov (1982–1989);

4. Shayx Muhammad Sodiq Muhammad Yusuf (1989–1993);

5. Shayx Muxtorjon Abdulloh Buxoriy (1993–1997);

6. Shayx Abdurashid qori Bahromov (1997–2006);

7. Shayx Usmonxon Temirxon o‘g‘li (2006–2021);

8. Shayx Nuriddin Xoliqnazar (2021 yildan buyon).

Alloh taolo Diniy idoramizning kelgusi faoliyatiga fayzu baraka bersin!

O‘zbekiston musulmonlari idorasi Matbuot xizmati