Ba'zi shaxs va jamoalar o'zlaridan islom etakchilari yasab olishadi. Ular o'z mabda'larini, fikrlarini, rejalarini va strategiyalarini tuzib olib so'ngra Qur'oni karimdan o'sha mabda'larini qo'llab quvvatlaydigan hujjat qidirishadi. Ular o'zlarini islom etakchilari deb hisoblashadi, dinga ergashuvchilar emas.
Aynan ana shu ish Allohga qarshi borishdir. Islomni soxtalashtirishdir. Ana shu kasofatlar sabab maydonda "mo''tadil islom", "radikal islom", "siyosiy islom", "islom ekstremizmi", "islom terrorizmi" kabi atamalar paydo bo'ldi.
Aslida islom bitta. Uni Qur'oni karim va sunnati nabaviyya ifoda etadi. Ana shu asl islomni ifoda etadigan Qur'oni karimni va sunnati nabaviyyani faqatgina pokizalar fahmlashi mumkin. Ya'ni, havoyi nafsidan pokizalar, shaxsiy g'arazlardan pokizalar...
Alloma Abul Hasan Nadviy rahimahulloh o'zining kitobi muqaddimasida aytadi:
"Bu kitobni yozishdan maqsadim bir g'oyaga asos solib so'ngra tarixni o'sha g'oyaga bo'ysundirish emas. Tarixni xolis (beg'araz) o'rganishdir".
Biz o'z qarashlarimizga dindan hujjat-dalil qidirishimiz kerak emas, balki qarashlarimizni dinga moslashtirishimiz lozim. Zero dinni biz emas, aksincha din bizni boshqaradi!
Manbalar asosida tayorlandi
Fazliddin Salimov
O‘zbekiston musulmonlari idorasi Buxoro viloyati vakilligi tizimida faoliyat yuritayotgan imom-xatib va imom-noiblar o‘rtasida «Ustoz-shogird» an’anasini davom ettirishga alohida e’tibor qaratildi.
Mazkur tashabbus doirasida tajribali imom-xatiblarning bilim va ko‘nikmalarini yosh hamkasblariga yetkazish, ularning kasbiy mahoratini oshirish, shuningdek, ilmiy-ijodiy va ma’naviy-ma’rifiy faoliyatda o‘zaro tajriba almashish ko‘zda tutildi.
«Ustoz-shogird» maktabi soha xodimlari o‘rtasida hamkorlikni mustahkamlash, to‘plangan tajribani yoshlarga yetkazish va diniy-ma’rifiy faoliyat samaradorligini oshirishga xizmat qilishi bilan ahamiyatli bo‘ldi.
O‘zbekiston musulmonlari idorasi Buxoro viloyati vakilligi matbuot xizmati