Abu-Dabi dunyodagi eng xavfsiz shahar deb topildi
Abu-Dabi, Dubay, Sharja va Ajman dunyodagi eng xavfsiz 10 ta shahar qatoriga kirdi. Ular ichida BAA poytaxti birinchi o'rinni egalladi. Mazkur reyting hayot tarzi va sifati bo'yicha dunyodagi eng yirik ma'lumotlar bazasi bo'lgan Numbeo onlayn platformasi tomonidan tuzildi. “Rossiya amirliklari” resursiga ko'ra, to'rtinchi o'rinni Ajman egallagan, Sharja va Dubay mos ravishda beshinchi va ettinchi o'rinlarda joylashgan. Reyting mamlakatning barqarorlik va xavfsizlik nuqtai nazaridan yuksak mavqeidan dalolat beradi.
2022 yilning yozida Fujayra dunyodagi eng xavfsiz shahar deb topilgan edi - Numbeo reytingida u ushbu ko'rsatkich bo'yicha 465 megapolisni ortda qoldirdi. Jumladan, Fujayrada ham, avtomagistrallarda jinoyatchilik va baxtciz hodisalarning eng past darajasi qayd etilgan.
Abu-Dabi 2021-yilda eng xavfsiz shahar deb topilgan edi. 2022 yil iyun' oyida Dubay xavfsiz oilaviy dam olish bo'yicha dunyoda 7-o'rinni egalladi. Tadqiqot va reytingda umumiy xavfsizlik, oilaviy qulayliklar va boshqalar kabi ko'rsatkichlar baholandi.
2022-yil fevral' oyida Dubay yolg'iz sayohat qilgan ayollar xavfsizligi bo'yicha dunyoning eng yuqori reytinglaridan biriga aylandi. 2022 yil boshida Numbeo xizmati Birlashgan Arab Amirliklari va Qatarni 2022 yilda sayohat qilish uchun eng xavfsiz davlatlar deb tan oldi. Reytingda 86,2 ball bilan Qatar etakchilik qilgan bo'lsa, Birlashgan Arab Amirliklari 84,8 ball bilan ikkinchi o'ringa munosib ko'rildi.
O'MI Halqaro aloqalar bo'limi.
“Azzaman” gazetasi: Yangi O‘zbekistonda keng qamrovli islohotlar amalga oshirilmoqda
Iroqning “Azzaman” gazetasida “O‘zbekiston mustaqilligining o‘ttiz besh yilligi: Davlat barpo etishdan Uchinchi Renessans sari” nomli maqola e’lon qilindi, deb xabar bermoqda “Dunyo” AA.
Maqolada ta’kidlanishicha, O‘zbekistonning mustaqillik yillarida bosib o‘tgan taraqqiyot yo‘li, amalga oshirilgan keng ko‘lamli islohotlar hamda mamlakatning xalqaro maydondagi nufuzi tobora yuksalib bormoqda.
1991 yilda qo‘lga kiritilgan mustaqillik O‘zbekiston xalqi hayotida tarixiy burilish yasab, milliy davlatchilik asoslarini shakllantirish, iqtisodiy taraqqiyot poydevorini yaratish va ijtimoiy barqarorlikni ta’minlash jarayonini boshlab berdi.
2016 yildan boshlab Prezident Shavkat Mirziyoyev rahbarligida mamlakatda “Yangi O‘zbekiston” tamoyili asosida keng qamrovli islohotlar amalga oshirilmoqda. Ushbu jarayonda O‘zbekiston Markaziy Osiyoda izchil va muvozanatli rivojlanish yo‘lidan borayotgan davlat sifatida e’tirof etilmoqda.
Muallif O‘zbekistonda so‘nggi yillarda iqtisodiyotni liberallashtirish, investitsiyalarni jalb etish, savdo-iqtisodiy aloqalarni kengaytirish, infratuzilmani modernizatsiya qilish, raqamlashtirish va tadbirkorlik muhitini yaxshilash borasida amalga oshirilgan chora-tadbirlarga e’tibor qaratgan.
Maqolada aholini ijtimoiy himoya qilish tizimini takomillashtirish, ta’lim va sog‘liqni saqlash xizmatlari sifatini oshirish, yoshlar hamda xotin-qizlarning jamiyatdagi faolligini kuchaytirishga qaratilgan islohotlar haqida ham alohida fikr yuritilgan.
Nashrda Prezident Shavkat Mirziyoyev tomonidan ilgari surilgan “Uchinchi Renessans” g‘oyasi O‘zbekiston taraqqiyotining muhim strategik yo‘nalishlaridan biri sifatida baholangan. Unda Xorazmiy, Beruniy, Ibn Sino, Imom Buxoriy va Imom Termiziy kabi buyuk allomalar yetishib chiqqan yurt bugungi kunda ilm-fan, innovatsiya, texnologiya va inson kapitalini rivojlantirish orqali yangi uyg‘onish davrini yaratishga intilayotgani qayd etilgan.
Iroq matbuoti O‘zbekistonning islom sivilizatsiyasi tarixidagi o‘rniga ham to‘xtalib, mamlakatda boy ilmiy-ma’rifiy merosni o‘rganish va targ‘ib qilishga qaratilgan loyihalar amalga oshirilayotganini ta’kidlagan. Jumladan, Toshkent shahrida bunyod etilgan Islom sivilizatsiyasi markazi Movarounnahr allomalarining jahon tamadduniga qo‘shgan ulkan hissasini namoyish etuvchi muhim ilmiy-madaniy maskan sifatida qayd etilgan.
O‘zbekiston musulmonlari idorasi Matbuot xizmati
