Asli pokistonlik bo'lgan AQShda istiqomat qiluvchi tadbirkor Bilol Memon Qur'oni karimni yodlash uchun yangi ilovani ishga tushirdi. Bu dasturni yaratish uchun unga bir necha yillar kerak bo'ldi.
Bilol 10 yoshida Qur'oni karimni to'liq yod olgandi. Biroq vaqt o'tishi bilan u ba'zi tafsilotlarni unutib, yana bir xil xatolarga yo'l qo'ydi. Bu haqda u bunday deydi:
– Men unutgan satrlarni qalam bilan belgilab qo'ydim va sahifani chiziqlar bilan to'ldirdim, so'ngra avvalgidek xatolarga yo'l qo'yganimni angladim. Oyatning bir qismini to'rt-besh marta takrorlasangiz, uni yana eslaysiz. Ammo ikki hafta ichida yana xuddi shunday xatoga yo'l qo'yasiz.
U muqobil usul ixtiro qilishga qaror qilgunga qadar uzoq yillar davomida Qur'onni shu tarzda takrorlash uchun qalamdan foydalangan. Aynan shu erda Qur'onni yodlash ilovasini yaratish fikri paydo bo'lgan. Uning maqsadi musulmonlarga Qur'onni o'rganish, uni qayta ko'rib chiqish va xatolarni takrorlamasliklariga yordam berishdir.
Bilol Memon va uning uch kishidan iborat jamoasi to'rt oy davomida ushbu dasturni ishlab chiqishdi. Tez orada mazkur ilova iPhone va Android mobil telefonlardan o'rin oladi.
Mazkur ilovani sinovdan o'tkazish uchun AQSh, Buyuk Britaniya, Kanada, Saudiya Arabistoni, Malayziya va Indoneziyadan mingga yaqin kishi ro'yxatdan o'tgan.

Halqaro aloqalar bo'limi xodimi
I.Ahmedov tayyorladi